Адес андэ люма фартэ бут билажавардэ картинки, видеоря и киноря a. Часто када сыкавэн андэ рекламы, андэ мода, киноря, андэ диля, журналоря, андэ видеоиӷры и андэ авэр проӷрамы андо интэрнэто. Када и мануша моӷут тэ диқэн и пэ телефоноря, пэ планшэторя и пэ авэр электрони устройстворя андо интэрнэто и пэ сайторя, кай вистон и стидэн кацаво билажавардимос. Здэлпэ, кай и мануша нэ моӷут ужэ би кадэлэско тэ жувэн. Никала андэ жызня кацаво на сас, кай андэ разни культуры, андэ разни ҭана май бут и май бут диқэн о билажавардимос. (Дик и рамка « Факты пала кода, пэскати лэ манушэнди чалёл тэ диқэн о билажавардимос».)

Ай инке, о билажавардимос, саво май данглал сыкавэнас пэ картинки, андэ видеоря или киноря, акана лэс май фартэ сыкавэн. Прафесаро Гейло Дайнсо пистрой, кай адес о билажавардимос инке май лажаво тэ диқэс.

Сар тумэ диқэн пэ кода, сар вся када парудёл? Драго када чи най, кала о мануш диқэл билажавардимос, саво исин пэ картинки, андэ видеоря, андэ киноря? Дэко ԥэнэн, кай када просто развличении, о мануш кадя отцыёл. Дэко ԥэнэн, кай када смертельно ядо. Ай дэсавэ ԥэнэн, кай нинай нисо, кала о мануш када диқэл. Но сар када па чачимастэ? О Иисусо ԥэндя: «Пэ лащи витка барён лашэ фрукты, ай пэ терни витка барён нэӷожи фрукты» (Матфеё 7:17). Со анэн, кала о мануш диқэл разно билажавардимос? Кай амэ тэ полас када, трэбуй тэ подас дума пала дэсавэ вопросоря. Пала када щяс и подаса дума.

СО ԤЭНЭН И УЧОНИ? Тэ диқэн о билажавардимос фартэ ӥто присытён. Дэсавэ иследователя и врачоря дажэ сыстон када, кала диқэн кацавэ картинки, видеоря кодэлэса, кабута о мануш прилэл и наркотикоря.

О Брайно b росԥэнэнас, кай во часто диқэлас андо интэрнэто кацавэ картинки, видеоря и во засытеля када тэ диқэл, лэс нисо на тердярэлас. Во ԥэнэнас, кай терэласпэ, сар дилоро, лэс трусияс, о шэро ԥаролас. Инке во ԥэнэнас, кай на камэлас тэ диқэл када, но жанас бэрша, ай во нащи мэкэлас кадэя найлащи привычка.

И мануша, савэ часто диқэн кацаво билажавардимос, гаравэн аврэндар, кай вонэ засытелэ када тэ диқэн. Вонэ на любин общяца и нисо на терэн анда оди. Важ када бут андар лэндэ екжэнэ, вонэ нервини, лажан аврэндар, часто холявэн и лэндэ можэт тэ авэл депресия. Дэсавэ дажэ камэн тэ умарэн корко пэс. Ек мануш, савэс ақарэн Серӷей, саво почти кажно дес скачивал и диқэлас пэстэ по телефоно разно билажавардимос росԥэндя, кай во никаса нэ общялся и лэсти сас фартэ ԥарэс по ди. Лэстэ по ди сас, кай во нисо на ашэл, во дошалярэлас корко пэс, во гиндояс, кай никасти на трэбуй и на ӷанэнас, со тэ терэл. Но через кода, кай лэсти сас лажаво и страшно, во на мангэлас пэсти помощь.

Дажэ если о мануш совсем набут диқля о билажавардимос, када лэсти анэна бут вредо. Исин ек спецыалисто, савэс ақарэн Джудито Рейсмано, саво изучал, сар влияет по мануш кода, кай во диқэл разно билажавардимос. Во англа камитето канӷэрэса США росԥэндя, кай о билажавардимос, саво о мануш диқэл пэ картинки, андэ видеоря и андэ киноря андэ годи терэн, сар отпечатко и парувэн и годи. Фартэ ӥто, кода со диқля о мануш, ашавэл андэ лэстири память баро биохимическо следо и када андэ годи терэлпэ дэзначай и дэкала када ужэ нэвозможно тэ стрис. Сьюзан, савяти 19 бэрш, сави дэзначай попэрэлас пэ кацавэ сайторя, росԥэнэн, кай кода, со вой диқля, вся када ашэляпэ андэ латири память и кай кадэла гиндоря лэн тэ виӷулен, кала пала када о мануш и на гиндой. Вой дарал, кай кадэлэ гиндонэндар вой никала нэ сможэт тэ отшындёл.

АМЭ УӶАНГЛЯМ, кай, кала о мануш диқэл разно билажавардимос, када римой лэстири жызня (2 Пётро 2:19).

СО ԤЭНЭН И УЧОНИ? Уэнди и Ларри Мальц андэ книжка «Ловушка порнографии» (The Porn Trap) пистросардэ: «О брако роспэрэлпэ, кала варико анда ери диқэл о билажавардимос».

Кацаво билажавардимос римой и еря. Сар када терэлпэ?

• хасардёл и доверия, парашэн тэ любин и тэ полэн ек еқэс (Притчи 2:12—17);

• лэ хуласти или ла хулаяти ужэ на чалёл лэсти хулаи или лако хулай. Вонэ ужэ на камэн тэ ԥэрнавэн ек еқэсти пэско ди и через кацаво билажавардимос о мануш любий май бут корко пэс (Эфесянам 5:28, 29);

• ай инке кодэлэстэ, ко када диқэл, лэстэ лэнпэ найлашэ гиндоря и жылании (2 Пётро 2:14);

• кодэва, ко када диқэл, камэл тэ терэл када андэ пэско ери (Эфесянам 5:3, 4);

• кодэва, ко када диқэл, кабута ужэ изменяет пэстиря хулаяти или хуласти андо ди, ай кадяжэ можэт тэ стерэл када па чачимастэ (Матфеё 5:28).

Андэ Библия ворта ԥэнэнпэ, кай о хулай чи и хулаи, трэбуй тэ на придэн ек еқэс (Малахия 2:16). Кала придэн ек еқэс, через када на авэла бах андо ери и о ери можэт тэ росԥэрэлпэ.

Ай кадяжэ фартэ ԥарэс авэла лэ бэятонэнди. О Брайно, пала саво сас и дума май данглал, кала лэсти сас дэш бэрш, во цэлэлас андэ прятки и дэзначай арақля и журналоря, кай сас билажавардэ картинки и во ля тэ диқэл лэн. Во гарадёлас, кай тэ диқэл кадэла журналоря, и во на полэлас, васо во камэлас лэн тэ диқэл. Када фартэ зацырдя лэс и во нэ моӷ када тэ мэкэл жы кай и время, кала ашэля взросло. Сар сыкавэн и иследования, если и тэрнэ мануша диқэн билажавардимос, вонэ андэ тэрнэ бэрша лэн тэ родэн пэсти варикас, ашэн холинатирэ, лэндэ ӥто пэрэл и ваздэлпэ настроения, кадяжэ, кала лэндэ исин кода, со трэбуй тэ авэл кати машкар хулай и хулаи, вонэ када терэн с жэстокостью.

АМЭ УӶАНГЛЯМ Кодэва, ко диқэл о билажавардимос, — када сар о ядо. Андо ери вонэ парашэн тэ любин и тэ полэн ек еқэс, ай кадяжэ лэнди фартэ ԥарэс по ди и умэкэнпэ и вас (Притчи 6:27).

СО ПИСТРОМЭ АНДЭ БИБЛИЯ? «Улэн о найлашимос, саво исин тумэндэ, када кала цырдэл тэ терэн о билажавардимос и мэлалимос. Улэн и найлашэ жылании. Улэн и жадность (ай вой еқэндар кодэлэса, кала тэлён лэ хохавнэ дэвлэнди)» (Колоссянам 3:5, Современо руско переводо).

Если ворта тэ ԥэнас, о Иегова c вэрыцый кода, кала и мануша диқэн билажавардимос пэ картинки, андэ видеоря и андэ киноря. И во када вэрыцый, най важ кода кай лэсти нэ уӷодно, кала машкар хулай и хулаи исин кода, со можэт тэ авэл кати машкар лэндэ. Лэ Дэвлэсти уӷодно, кала машкар хулай и хулаи исин када, када во кадя создал лэ манушэн. О Дэл радуийпэ, кала о хулай и хулаи скучин ек пала еқэстэ, кала лэнди драго ек еқэса и кай лэндэ моӷут тэ авэн бэяцэ (Иакова 1:17).

Васо жэ амэндэ нинай сомнения, кай важ о Иегова гряца и во вэрыцый, кала и мануша диқэн о билажавардимос? Диқам, со пала када ԥэнэн екжэно Иегова.

• О Иегова ӷанэн, кала варико диқэл билажавардимос, кадэлэстар римояпэ кадэлэ манушэстири жызня (Эфесянам 4:17—19).

• О Иегова любий амэн и камэл тэ фэрий амэн лэ найлашимастар (Исая 48:17, 18).

• О Иегова камэл, кай и еря тэ авэн састэ (Матфеё 19:4—6).

• О Иегова камэл, кай амэ тэ на терас нисаво билажавардимос и тэ стас патив пэ авэр (1 Фессалоникийцам 4:3—6).

• О Иегова камэл, кай о хулай и хулаи тэ стон патив по брако, и тэ авэн предани ек еқэсти (Евреям 13:4).

• О Иегова ӷанэн, када лэ Сатанаско гиндо, тэ диқэл о мануш билажавардэ картинки, видеоря и киноря (Бытие 6:2; Иуды 6, 7).

АМЭ УӶАНГЛЯМ, кай через кацаво билажавардимос, о мануш римой пэстири дружба лэ Иеговаса (Римлянам 1:24).

О Иегова фартэ жалуий кацавэ манушэн, ко попэля андэ кацави ловушка и камэл тэ поможый лэнди. Андэ Библия ԥэнэнпэ: «О Иегова простий и жалуий анда вся оди, На грабийпэ тэ холявэл и на парашэл тэ любий. Важ кода кай во драго ӷанэн, андар со амэ стердэ. Во сэрэл, кай амэ прахо» (Псалом 103:8, 14). Во ақарэл кодэлэн, кастэ ковло ди, кай вонэ тэ авэн лэстэ, кай во тэ жалуий лэн «анда вся оди» и тэ дэл лашымос, саво и мануша на затердэ (Евреям 4:16; дик и рамка « Сар о мануш тэ парашэл тэ диқэл о билажавардимос пэ картинки, видеоря и киноря?»).

Бут ужэ ко приля помощь лэ Дэвлэстар и сар када поможысардя? Шам сама, со ԥэнэнпэ андэ Библия пала дэсавэ мануша, савэ ашадэ кадэя найлащи привычка: «И кацавэ слинэ дэсавэ андар тумэндэ. Но через лэ Дэвлэско духо и через о Иисус Христос ашэлэ вужэ, свынти и о Дэл ԥэндя пэр лэндэ, кай вонэ праведни англа лэстэ» (1 Коринфянам 6:11). О апостало Павло ԥэндя: «Вся па мэрно зор блаӷодаря кодэлэсти, ко ман подритярэл» (Филиппийцам 4:13).

И Сьюзан, сави мэкля кадэя найлащи привычка, ԥэнэн: «Ек о Иегова можэт тэ поможый тэ мэкэс кадэя найлащи привычка. Если о мануш мангэл помощь и совето кай о Иегова, тоди о мануш можэт тэ ашэл вужо англа лэ Дэвлэстирэ яқа и во точно поможыя манушэсти».