«Вся Писания лэ Дэвлэстар» (2 Тимофею 3:16, Нэвэ мироско переводо).

Ту виарақэса ответоря пэ сами важни вопросоря (Притчи 2:1—5).

Кадяжэ и Библия дэла надёжно совето, сар май драго тэ андярэс пэсти жизнь (Псалом 119:105).

Ту лэса точно тэ ӷанэс, кай англэ вся авэла драго (Римлянам 15:4).

Да, и пэ када исин бут причины, роздиқаса трин:

• Ла пистросарэнас бут мануша, но пистросардэ кадя, сар ек мануш. И Библия пистросардэ 1600 бэрш, 40 мурша. Бут андар лэндэ никала на диқлэ ек еқэс. Но вся ек латэ ек тема!

• Вой росԥэнэн чачимос пала кода со сас. Бут учёни мануша, савэ пистросарэнас пала пурани время, на камэнас тэ росԥэнэн пала грехоря, савэ слинэ кай лэнго народо. Но кодэла, ко пистросарэнас и Библия, росԥэнэнас чачимос, важ пэстирэ ошибки и важ и грехоря, савэ слинэ кай лэнго народо (2 Летопись 36:15, 16; Псалом 51:1—4).

• Вой точно росԥэнэн, кода со англэ. Май бут чем важ 700 бэрш, сар тэ арқадёлпэ о Мессия (Христос), и Библия росԥэндя, кай во арақадёлапэ андо най баро иудейско форо Вифлеемо (Михей 5:2). И кай во арақаделяпэ? Андо Вифлеемо (Матфея 2:1—6).

  Исин инке бут пророчества андэ Библия, савэ точно исполнились. Када сыкавэл, кай и Библия лэ Дэвлэско Алав (2 Петра 1:21).