Най. Андэ Библия драго дицол, кай о Дэл создал лэ манушэс, ай кадяжэ лэ жывотнонэн и и растении па «лэнго видо» a (Бытие 1:12, 21, 25, 27; Откровение 4:11). Сар ԥэнэнпэ андэ Библия, всаворэ мануша, када потомкоря лэ Адамостирэ и ла Еватирэ, савэ сас пэрво ери (Бытие 3:20; 4:1). Андэ Библия на ԥэнэнпэ, кай о Дэл создал варисо ек, ай потом када парудёлас и появинаспэ авэр тварении (дэкала пэ када ԥэнэн, кай о Дэл создавал вся через и эволюцыя). Андэ кодэя жэ время, кода, со ԥэнэнпэ андэ Библия, сжалпэ кодэлэса, сости сытярэл и наука, кай и жывотни и и растении, савэ анда ек видо, моӷут тэ авэн разни.

•  Со гиндон и мануша?

•  Сжалпэ кода, кай и мануша гиндон, кай о Дэл создавал вся через и эволюцыя, кодэлэса, со пистромэ андэ Библия?

•  Сыкавэл кода, кай появинпэ нэвэ видоря анда растении и жывотни, кай о Дэл создавал вся через и эволюцыя?

 Лэ манушэндэ, савэ патян, кай о Дэл создавал вся через и эволюцыя, исин разни гиндоря пала кода, сар появисайля и жызня. Сар ԥэнэнпэ андэ «Британско инцыклапедия», кадэва гиндо сыкавэл, кай «кала о Дэл создавал и люма, во стердя, кай важ и бут бэрша анда жывотни тэ ашэнпэ кати со май зоралэ».

 Кадяжэ, кай и мануша исин разни гиндоря пала кода, кай о Дэл создал варисо ек, ай потом када парудёлас.

•   Всаворэ растении и жывотни жылэ анда ек видо.

•   Ек видо анда растении или жывотни можэт тэ парудёлпэ андэ варисо авэр.

•   О Дэл диқэл пала кода, сар разни видоря анда растении и жывотни парудёнпэ и появинпэ авэр.

 И мануша, савэ гиндон, кай о Дэл создавал вся через и эволюцыя, ԥэнэн, кай андэ книӷа Бытие, кай пистромэ пала кода, сар о Дэл создал и люма, най точно. Но о Иисус Христос ԥэнэнас пала кода, со пистромэ андэ Бытие, кай када чачимос (Бытие 1:26, 27; 2:18—24; Матфея 19:4—6). Андэ Библия ԥэнэнпэ, кай о Иисусо жы каринг кода, сар тэ авэл пэ ԥув, жувэлас по нэбо и поможыяс пэстирэ Дадэсти тэ создаёт вся, со акана исин (Иоанна 1:3). Важ када лэ манушэндирэ гиндоря, кай о Дэл создал варисо ек, ай потом када ля тэ парудёлпэ и появинаспэ авэр виды, на сжалпэ кодэлэса, сости сытярэл и Библия.

 Андэ Библия на росԥэнэнпэ, сар моӷут тэ парудёнпэ и растении или и жывотни анда ек видо. Но андэр латэ и на ԥэнэнпэ, кай кацаво нэ можэт тэ авэл, кай через и скрещивания или через кода, кай влияет и природа, нэ моӷут тэ появинпэ нэвэ видоря анда жывотни или растении. Хоть варико можэт тэ ԥэнэн, кай када сыкавэл, кай вся появисайля через и эволюцыя, када най кадя. Важ кода кай, кала скрещивают варисавэ видоря или, кала влияет и природа, на появийпэ нэви жызня.