Sicavas că așias anda sea o ilo pașa o Iehova na numai prin so cheras hai phenas, tha vi prin le gânduri cai si amen. (Ps 19:14) Anda codoia, i Biblia zuriarel-ame te gândisaras-ame ca sea so si ciaces, sea so meritil pachiv, sea so si orta, ujo, sea so meritil iubime, sea le buchia anda save del-pe duma mișto, sea so si lașio hai demno așarimasco. (Flp 4:8) Si ciaces, na sea o timpo daisaras te așiavas le gânduri nasul cai si ande amari goghi. Cu sea cadala, daisaras te încăras-ame parpale caște șiudas avri iech gândo nasul hai te șioas ande lesco than iech gândo lașio. Cana amare gânduri sicaven că așias anda sea o ilo pașa o Iehova, cadaia va dichiola-pe vi andel buchia cai cheras-le. (Mr 7:21-23)

Tela fiesavo verseto scriisar so gânduri trebul te duriaras amendar:

Ro 12:3

Lu 12:15

Mt 5:28

Flp 3:13