Umusiguzi 1:1-18
1 Amajambo y’uwukoranya abantu*+, mwene Dawidi, umwami w’i Yeruzalemu+.
2 «Ni ubusa gusa*!», ni ko uwukoranya abantu avuze,«ni ubusa gusa! Vyose ni ubusa+!»
3 Umuntu yunguka iki mu gikorwa kitoroshe cosearangura munsi y’izuba+?
4 Urunganwe* rumwe ruragenda urundi rukaza,ariko isi yoyo yamaho* ibihe vyose+.
5 Izuba riraseruka* hanyuma rikarenga.Rica ryihuta rigasubira* mu kibanza riserukiramwo kugira ryongere guseruka+.
6 Umuyaga uraja mu bumanuko, ugaca uzunguruka ukaja mu buraruko.Uguma uzunguruka wisubiriza. Umuyaga uguma uzunguruka.
7 Inzuzi* zose zitembera mu kiyaga, ariko ikiyaga nticuzura+.
Ahantu zitemba ziva ni ho zisubira kugira zongere gutemba+.
8 Ibintu vyose biraruhisha.Nta n’uwobidondagura ngo abiheze.
Ijisho ntirihaga kubona,n’ugutwi ntiguhaga kwumva.
9 Icabayeho ni co kizosubira kubaho,kandi icakozwe ni co kizosubira gukorwa.Nta gishasha kiriho munsi y’izuba+.
10 Hoba hariho ikintu na kimwe umuntu yovuga ngo: «Raba, iki ni gishasha»?
Oya, kiba caramaze kubaho kuva kera,kiba caramaze kubaho imbere y’igihe cacu.
11 Nta muntu n’umwe yibuka aba kera,kandi nta n’uwuzokwibuka abazoza mu nyuma.Kandi n’abo bazoza mu nyuma, ntibazokwibukwa n’abazobakurikira+.
12 Jewe uwukoranya abantu, narabaye umwami wa Isirayeli i Yeruzalemu+.
13 Nariyemeje kwiga no gusuzuma ibintu vyose bikorerwa munsi y’ijuru nkoresheje ubwenge*+, ni ukuvuga igikorwa kigoye Imana yahaye abana b’abantu ngo kibafatire.
14 Naritegereje ibikorwa vyose bikorerwa munsi y’izuba,nsanga vyose ni ubusa, ni ukwiruka inyuma y’umuyaga+.
15 Ikigoramye ntigishobora kugororwa,kandi ibitariho ntibishobora guharurwa.
16 Naciye nibwira mu mutima nti: «Ehe nararonse ubukerebutsi bwinshi, kuruta abantu bose babayeho imbere yanje i Yeruzalemu+, kandi umutima wanje wararonse ubukerebutsi bwinshi n’ubumenyi bwinshi+.»
17 Narashize umutima ku kumenya ubukerebutsi, ubusazi* n’ubujuju+, na vyo nyene nsanga ni ukwiruka inyuma y’umuyaga.
18 Kuko kugira ubukerebutsi bwinshi bituma umuntu agira intuntu nyinshi,ku buryo uwongereje ubumenyi aba yongereje n’imibabaro+.
Utujambo tw'epfo
^ Canke «uwegeranya abantu», «uwutumako abantu.»
^ Canke «nta co bimaze.»
^ Canke «iyaruka.»
^ Mu giheburayo havuga ngo «yama ihagaze.»
^ Canke «riramurika.»
^ Canke «rica risubira inyuma rihezagirika.»
^ Canke «inzuzi zo mu rushana.»
^ Canke «ubukerebutsi.»
^ Canke «ubujuju burenze.»
