Zaburi 50:1-23
Ni zaburi ya Asafu+.
50 Yehova*, Imana iruta izindi mana+ aravuze.Akoranije isi yose,kuva mu buseruko gushika mu burengero.
2 Imana yasayanganye iri i Siyoni, igisagara c’ubwiza butagira akanenge+.
3 Imana yacu izoza, kandi ntishobora kuguma icereje+.
Imbere yayo hari umuriro utema ugatongora+,kandi irya n’ino yayo hari igihuhusi gikaze+.
4 Ikoranije ijuru n’isi+kugira icire urubanza abantu bayo+. Ivuze iti:
5 «Nyegeraniriza intahemuka zanje,abagiranira nanje isezerano biciye ku bimazi+.»
6 Ijuru riratangaza ubugororotsi bwayo,kuko Imana ubwayo ari Umucamanza+. (Sela*)
7 Imana ivuze iti: «Nyumviriza bantu banje, ngira mvuge.Ewe Isirayeli, ngira ndakwagirize+.
Jewe ndi Imana, Imana yawe+.
8 Singuhana kubera ibimazi vyawe,canke kubera amashikanwa aturirwa uko yakabaye wama unshikanira+.
9 Nta mpfizi zo mu nzu yawe nkeneye,canke impene* zo mu ruhongore rwawe+.
10 Kuko ibikoko vyose vyo mw’ishamba ari rwanje+,mbere n’ibiba ku misozi ibihumbi.
11 Ndazi inyoni zose zo ku misozi+.Ibikoko bidaharurika vyo mu gahinga vyose ni rwanje.
12 Hamwe noba nshonje, sinobikubwirakuko isi* n’ibiri kuri yo vyose ari rwanje+.
13 Mbega norya inyama z’impfizi z’inka,canke nkanywa amaraso y’impene+?
14 Ahubwo nushikanire Imana ugukenguruka+,kandi ushitse ivyo waraganiye Musumbavyose+.
15 Nuntabaze ku musi w’ivyago+.
Nzogutabara maze nawe uninahaze+.»
16 Ariko Imana izobwira umubisha iti:
«Ni nde yaguhaye uburenganzira bwo kuvuga amategeko yanje+canke isezerano ryanje+?
17 Kuko wanka gukosorwa*,ukaguma usuzugura* amajambo yanje+.
18 Ubonye umusuma uramushima*+,kandi uguma ugendana n’abarenga ibigo.
19 Akanwa kawe kaguma gakwiragiza ibibi,kandi ikinyoma ntikiva ku rurimi rwawe+.
20 Uricara ukavuga nabi uwo muvukana+,ugashira ahabona amakosa ya mwenewanyu*.
21 Ivyo warabikoze nguma nihoreye,uca wibaza ko meze nkawe.
Ubu rero ngira ndaguhanekandi nshire ahabona ivyo ndakwagiriza+.
22 Nimubizirikane rero, mwebwe mwibagira Imana+,kugira sindabatabagure ata wuhari wo kubatabara.
23 Uwushikana ugukenguruka nk’ikimazi ciwe ni we aninahaza+,kandi uwiyemeje gukora ibigororotsenzomuha kubona ubukiriro Imana itanga+.»
Utujambo tw'epfo
^ Canke «Imana nya Mana Yehova.»
^ Raba Insiguro y’amajambo.
^ Mu giheburayo havugwa ngo «amasuguru y’impene.»
^ Canke «isi yimbuka.»
^ Mu giheburayo havuga ngo «ushiburira inyuma yawe.»
^ Canke «gutozwa indero», «kwigishwa.»
^ Hashobora kandi kuvugwa ngo «urifatanya na we.»
^ Canke «ukambika ibara mwenewanyu.»
