Inyishu z’ibibazo bishingiye kuri bibiliya
Twoba dushobora kumenya ukuri kwerekeye Imana?
Kubera iki Imana yipfuza ko tumenya ukuri? soma Yohani 17:3
Imana iramenyesha abantu amakuru. Yarakoresheje impwemu yayo nyeranda, ari zo nguvu zayo, kugira ngo ishire ivyiyumviro vyayo mu mitima y’abanditse Bibiliya. (2 Petero 1:20, 21) Turashobora kumenya ukuri kwerekeye Imana dusomye Bibiliya.
Muri Bibiliya Imana irahishura ibintu vyinshi biyerekeye. Iratubwira igituma yaremye abantu, ico izobakorera be n’ingene yipfuza ko tubaho. (Ivyakozwe 17:24-27) Yehova Imana yipfuza ko tumenya ukuri ku bimwerekeye.
Kubera iki Imana ikunda abakunda ukuri?
Yehova ni Imana y’ukuri, kandi yararungitse Umwana wiwe Yezu kugira ngo yigishe abantu ukuri. Ni co gituma abakunda ukuri baza kuri Yezu. (Yohani 18:37) Imana yipfuza ko abantu nk’abo baba abasavyi bayo.
Shetani yarakwiragije inyigisho z’ikinyoma ku vyerekeye Imana kugira abantu ntibamenye ukuri kuyerekeye. (2 Abakorinto 4:3, 4) Abantu badakunda ukuri baremera izo nyigisho z’ikinyoma. (Abaroma 1:25) Mugabo abantu amamiliyoni bafise umutima nziraburyarya bariko baramenya ukuri kwerekeye Imana mu kwiga Bibiliya.
Raba kandi
ISEKEZA RIDASANZWE
Ni kubera iki ukwiye kwiga Bibiliya?
Bibiliya iriko irafasha abantu amamiliyoni kw’isi yose kuronka inyishu z’ibibazo bihambaye cane mu buzima. Woba nawe wobishima?
BIBILIYA—IRIMWO UBUTUMWA UBUHE?
Ni kubera iki wosuzuma Bibiliya?
Raba ibintu bimwebimwe ngirakamaro vyerekeye Bibiliya, igitabu kizwi cane kw’isi.
