Ku wa mbere, itariki 13 Ruhuhuma 2023, ibigo vyo muri Leta Zunze Ubumwe za Amerika bijejwe gukinga no kurwanya indwara vyaratanze raporo ku bijanye n’indwara zo mu mutwe ku bakiri bato. Iyo raporo ivuga ko nk’igice c’abanyeshure biga mu mashure yisumbuye bamara igihe kirekire barengewe n’umubabaro hamwe n’umwiheburo.

 Muri ivyo bigo bijejwe gukinga no kurwanya indwara harimwo urwego rujejwe abakiri bato hamwe n’amagara y’abanyeshure. Umuganga yitwa Kathleen Ethier akaba n’umuyobozi w’urwo rwego, yavuze ati: «Biraboneka ko indwara zo mu mutwe ku bakiri bato zongerekanye cane muri iyi myaka 10 iheze. Ariko ubu, zararushirije kwongerekana ku bakobwa bakiri bato kuruta ikindi gihe cose, kuko hari benshi muri bo biyumvira kwiyahura canke na ho bakagerageza kwiyahura.»

 Iyo raporo yerekanye ko:

•   Mu bigeme 10, abarenga 1 (ibice 14 kw’ijana) bafatwa ku nguvu. Muganga Ethier yavuze ati: «Birateye ubwoba. Mu bigeme 10 woba uzi, nimiburiburi umwe canke mbere barenga aramaze gufatwa ku nguvu.»

•   Nk’umwigeme 1 muri 3 (ibice 30 kw’ijana) ariyumvira kwiyahura.

•   Nk’abigeme 3 muri 5 (ibice 57 kw’ijana) bararengerwa n’umubabaro hamwe n’umwiheburo.

 Ivyo bitigiri birababaje cane. Ikiringo c’ubuto cari gikwiye kuba igihe c’umunezero. None ni igiki cofasha abakiri bato kwihanganira imikazo ibashikira muri iki gihe? Bibiliya ibivugako iki?

Bibiliya iratanga impanuro zofasha abakiri bato

 Bibiliya iradondora neza ibihe bitesha umutwe tubayemwo muri iki gihe. Ivyita «ibihe bitoroshe kandi bigoye kwihanganira.» (2 Timoteyo 3:1-5) Ariko rero, Bibiliya iratanga impanuro zihuye n’igihe ziriko zirafasha abakiri bato amamiliyoni bo hirya no hino kw’isi kwihanganira ingorane ziriko zirabashikira. Raba ibiganiro bikurikira bishingiye kuri Bibiliya.

•   Nokora iki numva ntagishaka kubaho?

•   Bibiliya yoba yomfasha igihe noba numva nshaka kwiyahura?

•   Kubera iki wobandanya kubaho?

•   Nokwihanganira gute akabonge?

•   Ni igiki comfasha kwirinda ivyiyumviro bica intege?

•   Novyifatamwo gute ndi mu maganya?

•   Noshobora gute gucungera inyiyumvo zanje?

•   Umubabaro ufise urashobora guhera (ibisigurwa bariko barabicapa)

•   Nokora iki igihe hari uwuntoteza?

•   Novyifatamwo gute hagize abantoteza kuri internet?

•   Nuneshe uwugutoteza utamuriye n’urwara (ibisigurwa bariko barabicapa)

•   Nokora iki hari uwumbuza amahoro?

•   Ni ibiki nkwiye kumenya ku bijanye no gukorerwa amabi mu vy’igitsina?​—Igice ca 1: Ivyo umuntu yokora kugira yikingire

•   Ni ibiki nkwiye kumenya ku bijanye no gukorerwa amabi mu vy’igitsina?​—Igice ca 2: Ivyogufasha gusubirana

Bibiliya iratanga impanuro zofasha abavyeyi

 Bibiliya iraha kandi abavyeyi impanuro ngirakamaro kugira bafashe abana babo kwihanganira ingorane zibashikira mu buzima. Raba ibiganiro bikurikira bishingiye kuri Bibiliya.

•   Akabonge mu miyabaga gaterwa n’iki? Ni ibiki vyofasha?

•   Wofasha gute umukobwa wawe w’umuyabaga arengewe n’umwitwarariko?

•   Nokora iki igihe hari uwutoteza umwana wanje?

•   Wofasha gute umwana wawe yigirira nabi ku mubiri?

•   Abana n’imbuga hwaniro​—Igice ca 1: Umwana wanje yoba akwiye gukoresha imbuga hwaniro?

•   Abana n’imbuga hwaniro​—Igice ca 2: Niwigishe abana bawe b’imiyabaga ukuntu bokoresha neza imbuga hwaniro

•   Abana be na telefone: Igice ca 1: Umwana wanje yoba akwiye gutunga telefone?

•   Abana be na telefone: Igice ca 2: Kwigisha abana ingene bokoresha neza telefone

•   Kuyaga ivyerekeye ubutumwa buteye isoni buhanahanwa kuri telefone