Guhera ku itariki ya 28 Mata 2024, imvura nyinshi yateje imyuzure mu ntara ya Rio Grande do Sul mu majyepfo ya Burezili. Iyo mvura yamaze igihe igwa, yateje umwuzure. Yangije imihanda n’ibiraro ku buryo no guhunga ngo umuntu ajye mu gace katagezemo imyuzure byari bigoye cyane. Ugereranyije abantu barenga miliyoni 2 n’ibihumbi ijana bagizweho ingaruka n’iyo myuzure. Kugeza ubu, abantu barenga 125 baburiwe irengero naho 147 barapfa.

• Ikibabaje ni uko hari umuvandimwe 1 na mushiki wacu 1 bageze mu zabukuru bahitanywe n’uwo mwuzure

• Abavandimwe na bashiki bacu 1.544 bavanywe mu byabo

• Amazu 2 yarasenyutse

• Amazu 155 yarangiritse bikabije

• Amazu 483 yarangiritse bidakabije

• Amazu y’Ubwami 3 yarangiritse bikabije

• Amazu y’Ubwami 10 yarangiritse bidakabije

• Hashyizweho Komite Ishinzwe Ubutabazi (DRC) kugira ngo bafashe abavandimwe na bashiki bacu ibyo biza byagizeho ingaruka. Abagize iyo komite bagiye mu gace umwuzure wabayemo kugira ngo bashyire imfashanyo abavandimwe kandi babahumurize.

• Abagenzuzi b’uturere n’abasaza b’amatorero barimo guhumuriza abavandimwe bagezweho n’ibiza, bakoresheje Ijambo ry’Imana kandi bakabaha imfashanyo

• Abahamya ba Yehova batuye mu duce tutabayemo imyuzure, bacumbikiye bagenzi babo bavanywe mu byabo n’umwuzure

Mu gihe umwuzure ukomeje kwangiza ibintu muri Burezili, dusenga dusaba ko Yehova yakomeza kubera abavandimwe na bashiki bacu bo muri icyo gihugu ‘igihome kibakingira mu gihe cy’amakuba’.—Zaburi 37:39.