1 GASHYANTARE 2023 | YAHUJWE N’IGIHE KU ITARIKI YA 1 KANAMA 2023
U BURUSIYA

AMAKURU MASHYA—UMUVANDIMWE BAMUHAMIJE ICYAHA | “Si ngombwa ko imimerere ndimo ihinduka ahubwo ni njye ukwiriye guhindura uko nyibona”

FUNGURA

Ku tariki ya 28 Nyakanga 2023, urukiko rw’umujyi wa Kovrovskiy rwo mu gace ka Vladimir rwahamije icyaha umuvandimwe Boris Simonenko. Icyakora bitewe n’igihe yamaze afunzwe by’agateganyo anafungishijwe ijisho, igifungo yakatiwe cyari cyararangiye. Ntibizaba ngombwa ko ajyanwa muri gereza.

Icyo twamuvugaho

Boris Simonenko

Igihe yavukiye: 1955 (Ukraine)

Ibimuranga: Yakoze akazi ko gucukura amabuye y’agaciro

Yashakanye na Ida mu mwaka wa 1978. Bafite umuhungu witwa Aleksey

Ida ni we watangiye kwigana Bibiliya n’Abahamya ba Yehova. Boris yatangiye kujya aza kumva ibyo Ida yigaga, amaze kubona ko kubishyira mu bikorwa byatumye umuryango wabo urushaho kuba mwiza. Ida yabatijwe mu mwaka wa 1996, Aleksey abatizwa mu mwaka wa 1998 naho Boris we abatizwa mu mwaka wa 2000

Ibyo yavuze

Ni iki kigufasha gukomeza kurangwa n’icyizere nubwo uhanganye n’ingorane nyinshi?

Ndibuka ko hari disikuru yo mu ikoraniro ry’iminsi itatu yanteye inkunga. Muri iyo disikuru umuvandimwe yaravuze ati: “Ibyiza ni ukuguma muri gereza ndi incuti y’Imana aho gufungurwa itakinyemera.” Ibyo byamfashije gutahura ko kugira ngo ngire ibyishimo, atari ngombwa ko imimerere ndimo ihinduka ahubwo ko ari njye ukwiriye guhindura uko nyibona. Ayo magambo nakomeje kujya nyatekerezaho kandi yamfashije kwihangana. Nk’uko muri Zaburi 27:13 habivuga, “iyo nza kuba ntarizeye ko nzabonera ineza ya Yehova mu gihugu cy’abazima, nari kuba uwa nde?” Nubwo maze imyaka irenga 20 nkorera Yehova, ibintu biherutse kumbaho byamfashije kumva ko ubucuti mfitanye na Yehova bwarushijeho gukomera.

Twiringiye ko gukomeza kuba hafi ya Yehova bizatuma Boris n’umuryango we bazakomeza kubona imbaraga n’ibyishimo.—1 Ngoma 16:27.

Uko ibintu byagiye bikurikirana

Ku itariki ya 8 Gashyantare 2021

Abayobozi batangiye iperereza bashingiye ku biganiro byafashwe amajwi hakoreshejwe telefone
Ku itariki ya 17 Gashyantare 2021

Basatse urugo rwe. Yahaswe ibibazo kandi afungirwa kuri sitasiyo ya polisi
Ku itariki ya 18 Gashyantare 2021

Ni bwo yatangiye gukurikiranwaho ibyaha. Yashinjwaga kuyobora amateraniro y’Abahamya ba Yehova akoresheje interineti. Yahise afungwa by’agateganyo
Ku itariki ya 13 Nyakanga, 2021

Baramurekuye maze bamufungisha ijisho
Ku itariki ya 17 Gashyantare 2022

Baretse kumufungisha ijisho ariko bamubuza kutava mu gace atuyemo
Ku itariki ya 15 Nzeri 2022

Ni bwo urubanza rwatangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU