ANANGO ASAKHULUPIRA kuti tisakhala maso munjira inango, anangombo asakhulupira kuti kufa ndi kumala kwa pyonsene. Imwembo musakhulupiranji?

BHIBHLYA ISALONGANJI

‘Anyakufa nkhabe cinadziwa iwo.’ (Koelete 9:5) Tingafa, tisasiya kukhalapo.

PINTHU PINANGO PINAPFUNDZA IFE M’BHIBHLYA

• Mamuna wakutoma, Adhamu, pidafa iye abwerera pontho ku mataka. (Genesi 2:7; 3:19) Munjira ibodzi ene, anthu onsene anafa asabwerera pontho kumataka.—Koelete 3:19, 20.

• Anthu angafa asasudzuka, peno asalekererwa madawo awo. (Aroma 6:7) Munthu angafa nkhabebve kutcinyuswa thangwi ya madawo.

MBAMUDATAWIRA TANI?

• Inde

• Nkhabe

• Panango

BHIBHLYA ISALONGANJI

“Kunadzaoneka kulamuka muli akufa.”

—Machitiro 24:15.

NINJI PONTHO PINAPFUNDZA IFE M’BHIBHLYA?

• Midzidzi inango Bhibhlya isalandanisa kufa na kugona. (Jwau 11:11-14) Mulungu anakwanisa kulamusa anyakufa, ningambo ife tisakwanisa kulamusa munthu n’citulo.—Yobe 14:13-15.

• Bhibhlya isalonga mbiri zizinji za kulamuswa muli akufa, natenepa isatipasa cinyindiro cakuwanga toera kukhulupira kuti anyakufa anadzalamuswa muli akufa.—1 Amambo 17:17-24; Luka 7:11-17; Jwau 11:39-44.