Aye wa la mbi peut ti sambela ndali ni?
Kiringo tënë ti Bible
Tongana ti so Bible atene, mo peut ti sambela ndali ti aye kue so ague oko na ye so bê ti Nzapa aye. “Atâa ye wa la e hunda, tongana a gue oko na ye so bê ti lo aye, lo yeke mä e.” (1 Jean 5:14). Eskê na yâ ti sambela, mo peut ti sara tënë ti aye so mo gï bê ti mo na ndö ni? En. Bible atene: “Ala zi bê ti ala kue na [Nzapa].”—Psaume 62:8.
Tapande ti ambeni ye so mo peut ti sambela ndali ni
Mo peut ti sambela ti duti na mabe na Nzapa.—Luc 17:5.
Mo peut ti sambela ti hunda yingo vulu, wala ngangu ti Nzapa, ti tene a-aidé mo ti sara ye na lege ni.—Luc 11:13.
Mo peut ti sambela ti wara ngangu ti hon ndö ti akpale nga ti luti na lê ti atara.—aPhilippien 4:13.
Mo peut ti sambela ti wara siriri ti bê.—aPhilippien 4:6, 7.
Mo peut ti sambela ti wara ndara ti mû anzoni desizion.—Jacques 1:5.
Mo peut ti sambela ti tene Nzapa a-aidé mo ti wara aye so mo bezoin ni lâ oko oko.—Matthieu 6:11.
Mo peut ti sambela ti hunda pardon ndali ti asiokpari ti mo.—Matthieu 6:12.
Bâ nga
TOUR TI BA NDO
Nyen la mo peut ti sara ti tene Nzapa amä asambela ti mo?
Sambela Nzapa atâa a yeke na ndo wa, na l’heure ti nyen, na kota go wala na yâ ti bê ti mo. Jésus a-aidé même e ti hinga ye so e peut ti sambela ndali ni.
AKOTA FANGO YE TI BIBLE
Nzapa ayeke mä asambela kue?
Ka tongana mbeni zo asambela lo ndali ti araison so ayeke na lege ni ape? Ka tongana mbeni koli asara ye na wali ti lo na lege ni ape, et puis na pekoni lo sambela ti tene Nzapa abénir lo?
AYE SO BIBLE AFA
Yeda ti tene e manda Bible na mo
Yeda ti tene mbeni zo amanda Bible na mo senge senge.