Gbâ ti a-eglize ayeke fa na azo so Nzapa ayeke Trinité wala Nzapa ayeke ota. Me, bâ aye so mbeni bakari (Encyclopædia Britannica) atene: ‘A wara oko pëpe na yâ ti Fini Testament tënë ti Trinité wala mbeni fango ye so ayeke polele na ndö ni ayeke dä ape . . . Fango ye ni so ague yeke yeke ngbii la amû ndo nga gbâ ti azo ake tënë ni so.’

 Me, Bible afa lâ oko ape so Nzapa ayeke mbage ti Trinité. Bâ aversê ti Bible so:

 “Jéhovah Nzapa ti e, lo yeke gï Jéhovah oko.”—Deutéronome 6:4.

 “Mo so iri ti mo ayeke Jéhovah, mo oko la mo yeke Lo so ayeke na nduzu na ndö ti aye kue, na ndö ti sese kue.”—Psaume 83:18.

 “Ti wara fini ti lakue lakue, a lingbi ala gi ti hinga mo, mo oko tâ Nzapa, nga na lo so mo tokua lo, Jésus Christ.”—Jean 17:3.

 “Nzapa ayeke gï oko.”—aGalate 3:20.

 Tongaso, ngbanga ti nyen la mingi ti a-eglize ayeke fa na azo so Nzapa ayeke Trinité?