Na temps so raie manta ayeke nagé na gbe ti ngu-ingo, lo yeke gi ti wara kobe na lege so lo yeke gboto na yanga ti lo mélange ti ngu nga na plancton. Mélange ni ayeke gue na yâ ti mbeni filtre so agboto plancton ni na lege ti go ti raie manta ni, tongaso so si lo mene kobe ni. Ngu ni ayeke ngbâ ti hon na yâ ti filtre ni kozo ti tene mbeni ye so amû lege na lo ti wu so a iri ni branchie asigi na ngu ni. Me, araie manta apeut ti filtré plancton so ayeke kete mingi ahon afente ti filtre ti araie ni. Tongana ti so Ed Yong, so ayeke journaliste scientifique, atene capacité ni so ayeke “mbeni ye so na bango ni ayeke impossible.”

 Bâ ye so: Fason so raie ayeke filtré na aye ayeke tongana arche oku so ayeke na forme ti peigne so yanga ni ayeke use. Ambeni pembe ti peigne ni wala alobe ni ayeke ba na mbage ti devant nga ambeni ayeke ba na mbage ti peko. Alobe ni ayeke kangbi yâ ti ngu ni na asara si ngu ni ahon na ndö ti alobe ni na nduzu nga ambeni ahon na milieu ti alobe ni, na ala yeke formé ambeni kete tourbillon.

 Tongana plancton wala ambeni kobe akpo yanga ti alobe ni, a yeke yengi na courant ni ayeke hon na ala na loro na lege ti go ti raie ni na lo yeke mene ala. Même aplancton so ayeke kete mingi so apeut fade ti calé na terê ti alobe ni ayeke hon na lege ti go ti raie ni ndali ti so atourbillon ni ayeke aidé aplancton ni ti hon na loro. Système ti filtre ni so amû lege na raie ni ti te ambeni kete ye so ngu ni apeut fade ti hon na ni na milieu ti alobe ni.

 Na ndö ni, système ti filtre ti raie manta so amû lege na lo ti wara kobe ti te so ayeke bouché ape nga a yeke nettoyé terê ti lo wani, atâa vitesse so raie ni ayeke nagé na ni wala wungo ti placton so ayeke na yâ ti ngu ni ayeke oke.

 Azo ti gingo nda ti ye aye ti créé mara système ti filtre ti raie manta so ti traité angu so ayeke saleté nga ti zi akete kete plastique so ayeke sara sioni na seni ti zo.

 Mo tene ti mo nyen? Eskê fason so raie manta ayeke filtré na aye abâ gigi gï tongaso wala a créé ni crééngo?