“So COVID-19 ayeke encore mbeni urgence na yâ ti dunia ape aye ti tene ape so ayeke mbeni kpale ape ndali ti azo. Me, e peut ti duti sûr so tongana mbeni pandémie aga ande, e bezoin ti leke terê ti e ndali ni.”—Dr. Tedros Adhanom Ghebreyesus, director-general of the World Health Organization, 22 mai 2023.

 Mingi ti azo angbâ ti bâ pasi ndali ti aye so pandémie ti COVID-19 aga na ni. Eskê agouvernement nga na a-organisation so ayeke bâ tënë ti seni ti azo aleke terê ti ala awe ndali ti mbeni pandémie so ayeke ga ande? Eskê ala peut ti hunzi akpale ti seni ti e laso?

 Bible asara tënë ti mbeni gouvernement so ayeke sara ande si e duti na nzoni seni. A tene so “Nzapa ti yayu ayeke sigi na mbeni royaume,” wala mbeni gouvernement (Daniel 2:44). Na gbe ti gouvernement ni so, “Zo ti kodro ni ayeke tene ande pëpe: ‘Terê ti mbi ason.’” (Ésaïe 33:24). Azo kue ayeke duti ande na nzoni seni nga ala yeke kiri ti wara ngangu mingi tongana ti so ala de maseka.—Job 33:25.