Jéhovah aye ti tene asewa aduti na ngia (Ps 127:​3-5; Zo 9:9; 11:9). Ye oko, e peut ti perdre ngia ti e ndali ti akpale ti dunia so nga ndali ti afaute ti azo ti sewa ti e. Nyen la zo oko oko ti yâ ti sewa apeut ti sara ti tene sewa ni aduti na ngia?

Koli adoit ti ne wali ti lo (1Pi 3:7). Lo yeke mû ngoi ti duti na terê ti wali ti lo. Lo yeke ku ye na mbage ti wali ni ahon ndö ni ape nga lo yeke mû merci na wali ti lo ndali ti aye so lo yeke sara ndali ti lo nga na sewa ni (aCl 3:​15). Lo yeke fa na wali ti lo so lo ye lo nga lo yeke gonda lo.​—aPr 31:​28, 31.

Wali ayeke gi alege ti aidé koli ti lo (aPr 31:​12). Lo yeke woko terê na gbe ti koli ti lo nga lo yeke sara kua maboko na maboko na lo (aCl 3:​18). Lo yeke sara tënë na nzoni bê na koli ti lo nga lo yeke sara nzoni tënë ti lo.​—aPr 31:26.

Ababâ na amama adoit ti mû ngoi ti duti na amolenge ti ala (De 6:​6, 7). Ala tene na amolenge ti ala so ala ye ala (Mt 3:​17). Na ngoi so ala yeke fa lege na amolenge ti ala, ala sara ye na ndoye nga ala bâ yâ ti aye nzoni.​—aÉp 6:4.

Amolenge adoit ti ne babâ na mama ti ala nga ti mä yanga ti ala (aPr 23:​22). Ala fa apensé ti ala nga na asentiment ti ala na ababâ na amama ti ala. Ala yeda na fango lege ti ababâ na amama ti ala nga ala ne ala.​—aPr 19:20.

BÂ VIDÉO GI TI DUTI NA NGIA NA YÂ TI SEWA TI MO, NA PEKONI KIRI TËNË NA HUNDA SO:

• Nyen la zo oko oko asara ti gi ti duti na ngia na yâ ti sewa?