Mbeni lege so ayeke nzoni mingi so ababâ na amama apeut ti aidé amolenge ti ala ti wara ndara ti Nzapa ayeke ti mû maboko na ala ti wara ye ti nzoni na lege ti abungbi ti e. Aye so amaseka abâ, amä nga ala tene na yâ ti acommentaire ti ala na bungbi apeut ti aidé ala ti manda ye na ndö ti Jéhovah nga ti ga akota kamarade ti lo (De 31:​12, 13). Tongana mo yeke babâ wala mama, tongana nyen la mo peut ti aidé molenge ti mo ti wara ye ti nzoni mingi na lege ti abungbi?

• Sara kue ti gue na abungbi na Da ti Royaume.—Ps 22:22

• Mû ngoi kozo ti tene bungbi akomanse wala na pekoni ti encouragé aita na Da ti Royaume.—aHb 10:25

• Bâ si azo kue ti yâ ti sewa ni awara mbeti so a yeke manda na bungbi ni, atâa a yeke na ndö ti appareil wala so a-imprimé ni

• Aidé molenge ti mo ti leke mbeni commentaire na atënë ti lo wani.—Mt 21:​15, 16

• Tene nzoni tënë ti abungbi nga na ti aye so mo manda na abungbi

• Aidé amolenge ti mo ti mû mbage na akua tongana ti nettoyengo Da ti Royaume nga ti sara lisoro na aita so ngu ti ala ague na li ni

Ti aidé amolenge ti mo ti duti na kpengba songo na Jéhovah ahunda ti sara kua ngangu, nga peut-être na ambeni ngoi mo bâ so mo peut ti sara ni ape. Me, mo peut ti zia bê ti mo na ndö ti Jéhovah ti aidé mo.—És 40:29.

BÂ VIDÉO ABABÂ NA AMAMA, ALA SARA CONFIANCE NA JÉHOVAH NGA NA NGANGU TI LO, NA PEKONI KIRI TËNË NA AHUNDA SO:

• So Zack na Leah afatigué asara nyen na ndö ti ala?

  Kiringo tënë ti mo

• Ngbanga ti nyen la ababâ na amama adoit ti bâ ndo na mbage ti Jéhovah ti wara ngangu?

  Kiringo tënë ti mo

• Na alege wa la Zack na Leah asara confiance na Jéhovah ti aidé ala?

  Kiringo tënë ti mo