Bible atene ti lo nyen?
E yeke na “lâ ti nda ni”?
Kiringo tënë ti mo ayeke . .
En
Ên-ën
Mbi hinga ape
Ye so Bible afa
“Na lâ ti nda ni, angoi ti akpale so ayeke ngangu na zo ti kanga bê na yâ ni ayeke duti dä.” (2 Timothée 3:1). Prophétie ti Bible so ague oko na aye so ayeke si laso, afa so e yeke na ngoi ti “lâ ti nda ni”.
Ambeni ye so Bible afa na ndö ni
A yeke hinga lâ ti nda ni na lege ti abira, akota nzara, yengingo ti sese nga na asioni kobela so amû ndo.—Matthieu 24:3, 7; Luc 21:11.
Na ngoi ti la ti nda ni, sarango ye ti azo ayeke ga sioni mingi nga ala yeke voro Nzapa na lege ni ape.—2 Timothée 3:2-5.
Gigi ti kekereke ti azo ayeke duti ande tongana nyen?
Ambeni zo apensé . . . so lâ ti nda ni ayeke hunzi ande na ngoi so a yeke futi sese nga na aye kue so ayeke na ndö ni. Me ambeni zo ni ayeke na beku so dutingo ti ala ayeke ga ande nzoni. Ka mo, mo tene ti mo nyen?
Ye so Bible afa
“Sese ayeke ga ande ye ti azo ti mbilimbili, na ala yeke ngbâ na ndö ni lakue lakue.”—Psaume 37:29.
Ambeni ye so Bible afa na ndö ni
Lâ ti nda ni ayeke hunzi na ngoi so ayeke futi asioni ye kue.—1 Jean 2:17.
Sese kue ayeke ga ande paradis.—Ésaïe 35:1, 6.
Bâ nga
AKOTA FANGO YE TI BIBLE
Ngbanga ti nyen Nzapa aleke sese?
Sese asi singo na apendere ye. Distance so a zia na popo ti lâ na sese alingbi na ni, a dengi kete alingbi na ni nga lo yeke tourné na ndö ti lo wani na vitesse so alingbi na ni. Ngbanga ti nyen Nzapa asara kue ti leke sese pendere tongaso so?
