ගීතාවලිය 113:1-9
113 යාහ්ට ප්‍රශංසා කරන්න!*
යෙහෝවා දෙවියන්ගේ සේවකයෙනි, ඔහුව පසසන්න.යෙහෝවාගේ නමට ප්‍රශංසා කරන්න.
2 යෙහෝවාගේ නමටදැනුත් සදාකාලයටමත් ප්‍රශංසාව ලැබේවා!+
3 නැඟෙනහිර ඉඳන් බස්නාහිර වෙන කල්යෙහෝවාගේ නමට ප්‍රශංසාව ලැබේවා!+
4 යෙහෝවා සියලු ජාතීන්ට වඩා හුඟක් උසස්.+ඔහුගේ තේජස අහසටත් ඉහළින් නැඟ යනවා.+
5 ස්වර්ගයේ ඉහළම තැන ඉන්න*අපේ දෙවි යෙහෝවාට සමාන තවත් කෙනෙක් ඉන්නවාද?+
6 ඒත් ඔහු පහතට නැමිලා අහස දිහාත් පොළොව දිහාත් බලනවා.+
7 ඔහු අසරණයාව දූවිල්ලෙන් නැඟිටුවනවා.
දුප්පතාව අළු ගොඩෙන්* ඔසවනවා.+
8 දෙවියන් එහෙම කරන්නේ ඔහුව වංශවත් අය එක්ක ඉන්දවන්නයි.තමන්ගේ සෙනඟ අතරේ ඉන්න ශ්‍රේෂ්ඨ අය එක්ක ඉන්දවන්නයි.
9 දෙවියන් වඳ ස්ත්‍රියට දරුවන්* දීලාඇගේ නිවසේ සතුටින් ඉන්න ඇයට අවස්ථාව දෙනවා.+
යාහ්ට ප්‍රශංසා කරන්න!*
පාදසටහන්
^ හෝ, “හලෙලූයා.” “යාහ්” කියන්නේ යෙහෝවා කියන නම කෙටියෙන් කියන විදිහක්.
^ හෝ, “සිංහාසනයේ ඉඳගෙන ඉන්න.”
^ හෝ සමහරවිට, “කුණු ගොඩෙන්.”
^ මූ.අ., “පුතුන්.”
^ හෝ, “හලෙලූයා.” “යාහ්” කියන්නේ යෙහෝවා කියන නම කෙටියෙන් කියන විදිහක්.
