ගීතාවලිය 63:1-11
දාවිත් යූදා පාළුකරයේ ඉද්දී රචනා කරපු ගීයක්.+
63 දෙවියනි, ඔබයි මගේ දෙවියන්.+
මේ ඉරි තැළී ගිය වියළි දේශයේ මම ඔබව හැම තැනම හොයනවා.+
ක්ලාන්ත වෙන තරමටම තිබහෙන් ඉන්න කෙනෙක් වතුර පොදක් හොයාගෙන යනවා වගේමමත් ඔබව හොයාගෙන යනවා.+
2 ශුද්ධස්ථානයේදී මම ඔබව දැක්කා.එහෙදී ඔබේ ශක්තියත් තේජසත් මට දකින්න ලැබුණා.+
3 ඔබේ නොසැලෙන ආදරය මට මගේ ජීවිතයටත් වඩා වටිනවා.+මම මගේ තොල්වලින් ඔබට ප්‍රශංසා කරන්නේ ඒ නිසයි.+
4 දිවි ඇති තුරා මම ඔබට ප්‍රශංසා කරනවා.මගේ දෑත් ඔසවලා ඔබේ නම කියලා යාච්ඤා කරනවා.
5 හොඳම, ඉස්තරම්ම දේවලින්* ඔබ මාව තෘප්තිමත් කරනවා.ඒ නිසා ප්‍රීති ඝෝෂා නඟමින් මම ඔබට ප්‍රශංසා කරනවා.+
6 ඇඳේ ඉද්දී මට ඔබව මතක් වෙනවා.රෑ පුරාම* මම ඔබ ගැන ගැඹුරින් කල්පනා කරනවා.+
7 ඔබ ඕනෙම වෙලාවක මගේ උදව්වට එනවා.+ඔබේ පියාපත් සෙවණේ ඉඳන් මම සතුටින් ගී ගයනවා.+
8 මම ඔබව තදින් අල්ලගෙන ඉන්නවා.ඔබත් ඔබේ දකුණතින් මාව අල්ලගෙන ඉන්නවා.+
9 ඒත් මගේ ජීවිතය විනාශ කරන්න හදන අයටසිද්ධ වෙන්නේ මිනී වළට යන්නයි.
10 ඔවුන් කඩුවෙන් මැරුම් කනවා.හිවලුන්ගේ* ගොදුරක් වෙනවා.
11 ඒත් රජ දෙවියන් නිසා සතුටු වෙයි.
දෙවියන්ගේ නමින් දිවුරන හැම කෙනෙක්ම ප්‍රීතියෙන් ඉපිල යයි.මොකද දෙවියන් බොරු කියන අයව නිහඬ කරනවා.
