ආගමේ නාමයෙන් දුෂ්ට දේවල් කරනවා කියලා සමහරවිට ලෝක ප්‍රවෘත්තිවලින් අහලා ඇති. හැම ආගමක්ම ඇති වෙලා තියෙන්නේ සැබෑ දෙවියන්ගෙන් නෙමෙයි. (මතෙව් 7:15) අද හුඟදෙනෙක් නොමඟ ගිහින් තියෙන්නේ ඒ නිසයි.—1 යොහන් 5:19 කියවන්න.

කොහොමවුණත් යහපතට හා සත්‍යයට අවංකව ඇලුම් කරන අය ගැන දෙවියන් සැලකිලිමත් වෙනවා. (යොහන් 4:23) ඒ වගේ අයට බයිබලයේ තියෙන සත්‍යයන් ඉගෙනගන්න කියලා දෙවියන් ආරාධනා කරනවා.—1 තිමෝති 2:3-5 කියවන්න.

යෙහෝවා දෙවියන් විවිධ ආගමික පසුබිම්වල ඉන්න අයට සත්‍යයත් එකිනෙකාට ප්‍රේමය පෙන්වන විදිහත් උගන්වලා ඔවුන්ව එක්සත් කරනවා. (මීකා 4:2, 3) එකිනෙකාට සලකන විදිහෙන් සැබෑ ආගම අදහන්නේ කවුද කියලා හඳුනාගන්න පුළුවන්.—යොහන් 13:35 කියවන්න.

සැබෑ නමස්කාරකයන් ජීවිතේට මඟ පෙන්වීම් ලබාගන්නෙත් තම විශ්වාසයන් ගොඩ නඟාගෙන තියෙන්නෙත් බයිබලයෙන්. (2 තිමෝති 3:16) ඔවුන් දෙවියන්ගේ නමටත් ගෞරව කරනවා. (ගීතාවලිය 83:18) මිනිස්සුන්ට තියෙන එකම බලාපොරොත්තුව දේවරාජ්‍යය කියලා හැමෝටම කියනවා. (දානියෙල් 2:44) ඔවුන් අසල්වැසියන්ට යහපත්කම් කරනවා. ඒ විදිහට ‘ආලෝකය විහිදුවමින්’ යේසුස්ව අනුගමනය කරනවා. (මතෙව් 5:16) ඒ නිසා දේවරාජ්‍යය ගැන ගෙවල්වලට ගිහින් ශුභාරංචිය කියන අය සැබෑ ක්‍රිස්තියානීන් කියලා හඳුනාගන්න පුළුවන්.—මතෙව් 24:14; ක්‍රියා 5:42; 20:20 කියවන්න.