ROSO 13
Ximootewosi Manna Kaaˈla Hasiˈranno
Biˈre Ximootewosi yinannihu manna kaaˈla baxannohu shiimu beetti no. Isi manna kaaˈlate duucha gobba haˈrino. Konni daafira, isi hagiirraame heeshsho heeˈrino. Isi xagge macciishsha hasiˈratto?—
Ximootewosi amanna ahaahesi isira Yihoware rosiissinosi
Ximootewosi lophinohu Lisxira yinanni katamiraati. Isi danqu noo waro, ahaahesi Loyidinna amasi Ewunqe Yihoware rosiisinosi. Ximootewosi lophiti mannu Yihoware rosanno gede kaaˈla hasiˈri.
Ximootewosi shiimu heeˈreenna, Phaawuloosi ledosi haˈre wolu qooxeessira sabbakanno gede xaˈmisi. Ximootewosi, ‘Maahoyye!’ yee qoli. Isi wolewa haˈre manna kaaˈlate qixxaawinoho.
Ximootewosi Phaawuloosi ledo Tosolonqe yinanniha Meqedooniyu katama haˈri. Hakka iillate seeda doogo hadhino, hakkiinnino howolotenni hadhino. Insa marte iillitu gedensaanni, lowo mannira Yihoware rosiissino. Mitu manni kayinni insa hanqe ganara kai. Hakko daafira Phaawuloosinna Ximootewosi agurte hadhe wolewa sabbakku.
Ximootewosi hagiirraame heeshsho heeˈrino
Haammatu agani gedensaanni, Phaawuloosi Tosolonqe katamira roduuwu noo gara mare laˈˈanno gede Ximootewosi soyi. Hakko katamira bushu manni noo daafira galagale hakka haˈrate worba ikka hasiissanno! Ikkirono, Ximootewosi hakko noo roduuwa mararino daafira insa laˈˈara haˈrino. Hakkiinnino Phaawuloosiwa dancha duduwo haare higino. Tosolonqe katamira noo roduuwi keerella no!
Ximootewosi Phaawuloosi ledo lowo diro loosino. Phaawuloosi mitte hige, songuwa kaaˈlate Ximootewosi woyyanno yee borreessino. Ximootewosi Yihowano mannano baxannoho.
Ati manna baxatto? Insara Yihoware rosiisa hasiˈratto?— Hatto ikkiro, atino Ximootewosi gede hagiirraame heeshsho heeˈra dandaatto!
