Cuuame Yihowa Farciꞌraasine ikkihu gedensaanni, sabbakanna ammanate roduuwinsa ledo gamba yaa agurino Kiristaana dibonkeemmo. Hatteentenni insa hanse wirro ayyaanaamittetenni jawaattanno gede kaaꞌlineemmonsa.

 Mittu manchi jawa cubbo loosino daafira bayichonko dibonkanni. Ikkollana, mittu cuuamino Kiristaanchi Qullaawu Maxaafi seera diiga roso assiꞌrironna maaro ea giwiro bonkanni. Qullaawu Maxaafi, “Busha mereeriꞌnenni hunne” yee xawise kulanno.—1 Qorontoosi 5:13.

 Bohamino manchi minaamanna oososi Yihowa Farciꞌraasinella ikkitu? Ayyaanaamittete aantensa gattanno; maalu fiixoominsa kayinni noowa heeꞌranno. Adhamansanna maatete heeshshonsa noo gedeenni heedhanno.

 Bohantinori gambooshshenke daa dandiitanno. Qoleno hasidhuro, songote cimeeyye ayyaanaamittetenni kaaꞌlitansara dandiitanno. Songote cimeeyye togoo manna kaaꞌlitannohu wirro Yihowa Farciꞌraasincho ikkate ikkado ikkanno gedeeti. Bohamino manchi busha amanyoote agure Qullaawu Maxaafi biddishshi garinni heeꞌrate murciꞌrinota heeshshosinni leellishiro, wirro Yihowa Farciꞌraasincho ikka dandaanno.