LE OLOMATAMATA Nu. 1 2018 | Po o Aogā Pea le Tusi Paia?
PO O AOGĀ TAʻIALA A LE TUSI PAIA I ASO NEI?
Ua faigofie ona maua le tele o faamatalaga i aso nei e ala mai i auala faatekinolosi. Po ua lē toe aogā la le Tusi Paia? Ua taʻua i le Tusi Paia:
“O Tusitusiga Paia uma e mai i le agaga o le Atua, ma e aogā.”—2 Timoteo 3:16.
O loo talanoaina i lenei lomiga o Le Olomatamata faamatalaga o loo i le Tusi Paia e mafai ona taʻitaʻia ai i tatou i vala uma o le olaga.
Po o Aogā Taʻiala a le Tusi Paia i Aso Nei?
Ua faigofie ona maua le tele o faamatalaga i aso nei. Aiseā la e saʻili ai fua i se tusi na tusia i le toetoe 2,000 tausaga ua mavae?
Aʻoaʻoga a le Tusi Paia—Atamai e Aogā Pea
Nai lo o le faapea atu ua lē toe aogā ona ua iai malamalamaga fou, ae o loo faavae aʻoaʻoga a le Tusi Paia i mataupu silisili e atamai ma e aogā pea.
Pe na Faamaonia le Saʻo o Faamatalaga na Tusia ai?
O le Tusi Paia e lē o se tusi aʻoga faasaienisi, ae e ono faateʻia oe i faamatalaga faasaienisi o loo iai.
1 Fesoasoani e ʻAlofia ai Faafitauli
Mātau le auala ua fesoasoani ai le atamai mai i le Tusi Paia i tagata, ina ia ʻalofia nisi o faafitauli faigatā i le olaga a o leʻi faateteleina.
2 Fesoasoani e Foʻia ai Faafitauli
E mafai e le atamai o loo i le Tusi Paia ona foʻia faafitauli e faaauau lava ona iai, e pei o le soona popole, faimeatuu, ma lagona tuua toʻatasi.
3 Fesoasoani e Onosaʻia ai Faafitauli
Ae faapefea faafitauli e lē mafai ona foʻia, e pei o maʻi faaumiumi ma le faavauvau?
Le Tusi Paia ma Lou Lumanaʻi
E mafai ona fesoasoani le Afioga a le Atua ina ia feagai ai ma tulaga o loo tatou fesagaʻia i le taimi lenei, po o faafitauli o loo tatou fesagaʻia i aso taʻitasi i lenei lalolagi lē mautonu. Ae e iai nisi mea ua fesoasoani mai ai le Tusi Paia. Ua saunia mai ai foʻi se vaaiga manino e faatatau i le lumanaʻi.
O le ā Sou Manatu?
Iloilo po o ā manatu o isi ma le manatu o le Tusi Paia e faatatau i lea fesili.
