Pe E te Manatua?
Pe na e faitauina māeʻaeʻa lomiga fou o Le Olomatamata? Seʻi vaai pe mafai ona e taliina fesili o loo mulimuli mai:
Ua faapefea ona faaaogāsesēina e nisi le Tusi Paia, ma o le ā le vaaiga a Kerisiano e tatau ona iai?
O le mau lava e muamua tau i ai le vaai, e latou te manatu o le tali lenā o le faafitauli. E lē saʻili atu Kerisiano moni i fetu. Nai lo lea, e latou te suʻesuʻeina le Tusi Paia ina ia maua le poto saʻo ma le taʻitaʻiga a le Atua.—12/15, itulau e 3.
O le ā “le lalolagi” o le a mavae atu?
O “le lalolagi” o le a mavae atu, e faasino atu i le lalolagi o tagata e lē o ola e tusa ma le finagalo o le Atua. (1 Ioa. 2:17) O le a faasaoina tagata lelei ma le lalolagi paneta.—1/1, itulau e 5-7.
E ui lava ina oti Apelu, ae ua faapefea ona tautala mai pea o ia iā i tatou? (Epe. 11:4)
E ala i lona faatuatua. E mafai ona tatou faaaʻoaʻo i lona faatuatua malosi, ma ua avea o se faaaʻoaʻoga lelei e tatou te mulimuli i ai.—1/1, itulau e 12.
O ā nisi vala o le olaga e lē tatau ona vavaeesea ai i tatou mai iā Ieova?
E aofia ai: A tatou galuega, tafaoga ma faafiafiaga, faifaimea faatasi ma tauaiga ua faateʻaina, le faaaogāina o masini faaonapōnei, le popole i le soifua mālōlōina, pe a mafaufau o tupe o le mea lea e sili ona tāua i le olaga, ma le faamaualuga ma manatu e sili atu lo tatou iloa.—1/15, itulau e 12-21.
O le ā e tatou te aʻoaʻoina mai i le lotomaulalo o Mose?
E leʻi faamaualuga Mose ona o le pule sa iā te ia, ae na ia faalagolago atu pea iā Ieova. E lē tatau ona tatou faamaualuluga ona o o tatou tomai, po ona ua tatou maua se tulaga pule, nai lo lea e tatou te mananaʻo e faatuatua iā Ieova. (Faata. 3:5, 6)—2/1, itulau e 5.
O fea o le a toetutū aʻe ai ē ua maliliu?
O le a toetutū aʻe le 144,000 i le lagi, ae o le toʻatele lava o le a toetutū aʻe i le lalolagi ma ola ai e faavavau.—3/1, itulau e 6.
O le ā le uiga ʻe leʻi peritomeina loto’ o tagata Isaraelu? (Iere. 9:26)
Sa latou fouvale ma lē mananaʻo e suia o latou ala. Sa manaʻomia ona aveesea mea na lē gaoioi ai o latou loto, e aofia ai mafaufauga, faanaunauga, ma uunaʻiga o o latou loto na feteenaʻi ma le finagalo o Ieova. (Iere. 5:23, 24)—3/15, itulau e 9-10.
E faapefea ona avea Iesu ma faaaʻoaʻoga o le iai o se olaga aogā?
O le fuafuaga o le olaga o Iesu, o le faia o le finagalo o le Atua. Sa alofa tele Iesu i lona Tamā ma tagata. Na ia iloa o loo finagalo malie ma alofa lona Tamā iā te ia. O auala na e maua ai se olaga aogā.—4/1, itulau e 4-5.
O le ā e aofia ai i le vaega faalelalolagi o le faalapotopotoga a Ieova?
E aofia ai le Vaega Pule, komiti o lālā, ovasia femalagaaʻi, ʻautoeaina, faapotopotoga, ma tagata talaʻi.—4/15, itulau e 29.
Aiseā sa tatau ai faamasinoga a le Atua?
E lē fiafia Ieova i le oti o ē amioleaga. (Eseki. 33:11) O gaoioiga a le Atua i taimi ua mavae, e faailoa mai ai lona alofa, e ala i lona lapataʻia muamua o tagata a o leʻi faaoo mai lana sala faafaamasinoga. E tatou te maua le faamoemoe mai i le faamasinoga a le Atua i le lumanaʻi.—5/1, itulau e 5-6.
Pe na faasalaina i le oti e tagata Isaraelu ē solitulafono e ala i le faatautau i laau?
Na faia faapena e nisi atunuu anamua ae e leʻi faia faapea e tagata Isaraelu. I le vaitaimi o Tusitusiga Eperu, sa fasioti muamua tagata solitulafono e ala i le fetogia i maa. (Levi. 20:2, 27) Sa avea o se lapataʻiga i isi le faatautauina o tino oti o na tagata solitulafono.—5/15, itulau e 13.
Aiseā ua faigatā ai ona maua se filemu i le lalolagi?
E ui i le tele o mea ua faia e tagata, ae e lē o iā i latou le tomai e taʻitaʻia ai o latou lava ala. (Iere. 10:23) O loo pulea e Satani le lalolagi, o lea e lē mafai ai e tagata ona aumaia le filemu. (1 Ioa. 5:19)—6/1, itulau e 16.
