Faataoto 1:1-33
1 O faataoto a Solomona+ le atalii o Tavita,+ le tupu o Isaraelu:+
2 Ina ia iloa ai e se tasi le atamai+ ma le aʻoaʻiga;*Ia malamalama ai i upu e atamai ai;
3 Ia talia ai le aʻoaʻiga+ e maua ai le tofā mamao,Le amiotonu,+ le tomai e filifili ai le mea ua tonu,+ ma le amio sa‘o;
4 Ia avatu ai i ē ua leai se poto masani le utaga mamao;+Ia avatu ai foʻi i le tauleʻaleʻa le poto ma le mafaufau lelei.+
5 O le tagata atamai e faalogo ma ave i fale isi faatonuga;+O le tagata malamalama e na te mauaina le taʻitaʻiga atamai+
6 Ina ia malamalama ai i se faataoto ma se faaupuga lavelave,*O upu a tagata atamamai ma a latou tupua mategatā.+
7 O le mataʻu* iā Ieova o le amataga lea o le poto.+
E na o tagata vālea e ʻinoʻino i le atamai ma le aʻoaʻiga.+
8 Loʻu atalii e, ia e faalogo i le aʻoaʻi atu a lou tamā,+Ma aua e te tuulafoaʻiina le faatonuga* a lou tinā.+
9 O le pale matagofie lea i lou ulu+Ma le asoa manaia i lou ua.+
10 Loʻu atalii e, afai e taumafai ē e agasala e faaosooso iā te oe, aua e te lolo i ai.+
11 Pe a latou faapea mai: “Tatou ō.
Seʻi o tatou lamalama e fasioti se tasi.
E tatou te lalafi ma osofaʻia ni tagata e lē sala, ae e leai se māfuaaga.
12 E tatou te foloolaina i latou e pei ona faia e le Tuugamau,*Ia atoatoa lava, e pei o ē e ō ifo i le lua.
13 Ia tatou faoa a latou ‘oa tautele uma lava;E tatou te faatumuina o tatou fale i le vete.*
14 Ia e aufaatasi mai iā i matou,*Ona tatou tofusia faatasi ai lea i mea e tatou te faoa.”*
15 Loʻu atalii e, aua e te mulimuli iā i latou.
Ia faamamao ese ou vae mai i o latou ala,+
16 Auā ua taufetuli o latou vae ina ia faia mea leaga;E latou te televavave e fasiotia se tasi.+
17 E leai se aogā e lafo ai le upega a o iloa lelei mai e se manulele.
18 O le mea lea ua latou lamalama ai ina ia fasiotia tagata;Ua latou lalafi ina ia faaumatia ola o isi.
19 O ala ia o ē e sa‘ilia polofiti i faiga lē saʻo,Ma e aveesea o latou ola i mea ua latou maua.+
20 O loo alaga leotele le atamai moni+ i le magāala.+
E faaauau ona leotele i nofoaga faitele.+
21 O loo alaga mai i le magāala e tumutumu ai tagata.
I mea e ulu atu ai i faitoto‘a o le aai, ua fai atu ai ana upu:+
22 “O outou o ē ua leai se poto masani, o le ā le umi e tou te naunau e tumau ai i lea mea?
O outou o ē e tauemu, o le ā le umi e tou te fiafia e tauemu ai?
O outou foʻi o ē e vālea, o le ā le umi e tou te ʻinoʻino ai i le poto?+
23 Ia outou tali mai i aʻu aʻoaʻiga.*+
Ona ou liligi atu lea o loʻu agaga iā te outou;Ou te faailoa atu foʻi aʻu upu iā te outou.+
24 Auā na ou valaau atu, ae na outou teena pea aʻu,Na faaloaloa atu loʻu lima, ae e leai se isi na ano mai,+
25 Na outou faatalalē pea i aʻu fautuaga umaMa teena aʻu aʻoaʻiga,
26 Ou te ʻataʻata fo‘i pe a oo mala iā te outou;Ou te aamu pe a oo mai mea e tou te fefefe ai,+
27 Pe a oo mai mea e tou te fefefe ai e pei o se afā,Ma pe a oo mai o outou mala e pei o se matagi malosi,Pe a oo mai puapuaga ma faafitauli iā te outou.
28 O le a latou valaau mai pea iā te aʻu i lea taimi, ae ou te lē tali atu lava;E latou te matuā saʻili mai foʻi iā te aʻu, ae e latou te lē maua lava aʻu,+
29 Auā ua latou ʻinoʻino i le poto,+Ma ua latou lē mananaʻo e matataʻu iā Ieova.+
30 Ua latou teena laʻu fautuaga;Ua latou lē amanaʻia foʻi aʻu aʻoaʻiga uma.
31 O lea, e latou te selesele ai i āuga* o o latou ala,+Ma e faamalieina i latou i a latou lava faufauga.
32 Auā o le fouvale o ē ua leai se poto masani, e oti ai i latou,Ma o le faifailemū o ē e vālea, e fano ai i latou.
33 A o lē e faalogo mai iā te aʻu, o le a nofo ma le saogalemu+E aunoa ma le fefe i so o se puapuaga.”+
Faamatalaga Pito i Lalo
^ O le upu i le uluaʻi gagana ua faaliliuina i lenei upu e tele ona uiga, ma ua faaliliuina i le faatonuga, aʻoaʻoga, faasaʻoga, apoapoaʻiga, faasalaga, ma le fautuaga.
^ Po o “se talafaatusa.”
^ Po o le “matuā faaaloalo.”
^ Po o le “tulafono.”
^ Po o “Seoli.” Tagaʻi i le Uiga o Upu.
^ Tagaʻi i le Uiga o Upu.
^ Po o le “Ia fai faatasi la tatou vili.”
^ Po o le “i le ato e tasi.”
^ Po o le “Ia outou liliu mai pe a ou aʻoaʻi atu.”
^ Epe., “aai ai i le fua.”
