Hosea 4:1-19
4 Le fanauga a Isaraelu e, inā faalogo mai ia i le afioga a Ieova,Auā ua faia e Ieova se faamasinoga faasaga i ē o nonofo i le atunuu,+Auā ua leai se upu moni, po o se alofa faamaoni, ua leai foʻi sē e na te iloa le Atua i le atunuu.+
2 O le tautō pepelo ma le pepelo,+ o le fasioti tagata,+O le gaoi, ma le mulilua,+ ua faateteleinaMa ua sosoo le isi faamasaatoto ma le isi faamasaatoto.+
3 O le mea lea o le a faavauvau ai le atunuu,+E tauau ina vaivai ai i latou uma o loo nonofo ai;O manu o le fanua, o manufelelei o le lagi,E oo foʻi i iʻa o le sami, o le a mamate.
4 “Peitaʻi, aua neʻi iai se tagata e finau atu, pe aʻoaʻi atu iā te outou,+Auā o lou nuu ua pei i latou o ē ua finau atu faasaga i se ositaulaga.+
5 O le a e tautevateva i le ao teatea e pei ona e tautevateva i le pō,E tautevateva foʻi le perofeta faatasi ma oe.
O le a ou faaumatia* foʻi lou tinā.
6 O le a faaumatia* loʻu nuu, auā ua leai se poto.
Ona ua e teena le poto,+Ou te teena foʻi oe mai i le auauna o saʻu ositaulaga;Talu ai ua e faagaloina le tulafono* a lou Atua,+O aʻu foʻi ou te faagaloina lau fanau.
7 E pei ona faatoʻateleina o i latou, e faapena foʻi ona faateleina o a latou agasala iā te aʻu.+
Ou te suia lo latou mamalu i le faalumaina.*
8 E aai i latou i le agasala a loʻu nuu,Ua naunau foʻi o latou loto i a latou mea sesē.
9 “E tasi le mea e oo i le nuu atoa ma le ositaulaga;Ou te taui atu iā i latou e tusa ma o latou ala,Ou te faasala foʻi iā i latou e tusa ma mea na latou faia.+
10 E latou te aai ae e lē maoona.+
E latou te feusuaʻi solo,* ae e lē faatoʻateleina ai i latou,+Auā ua latou lē faaaloalo iā Ieova.
11 O le talitane* ma le uaina ma le uaina fou,E aveesea ai le uunaʻiga e faia le mea saʻo.*+
12 Ua fesili atu loʻu nuu i o latou tupua laau,Ma faia mea ua fai mai ai o latou tootoo* iā i latou;Auā o le agaga o le talitane* ua latou sē ese ai,O lo latou talitane* foʻi ua latou mumusu ai e usiusitaʻi i lo latou Atua.
13 Ua latou faia taulaga i tumutumu o mauga,+Ma latou faamū foʻi taulaga i luga o aʻega,I lalo o laau mafalā ma laau o le lipeno ma laau tetele uma,+Ona o le manaia o le paolo.
O le mea lea ua talitane* ai o outou afafine,Ma ua mulilulua ai avā a o outou atalii.
14 Ou te lē faasalaina o outou afafine ona o la latou talitane,*Ou te lē faasalaina foʻi avā a o outou atalii ona o la latou mulilua.
Auā ua ō ese tamāloloa ma fafine talitane,Ua latou fai taulaga faatasi ma fafine talitane o le malumalu;O le a faaumatia lenei nuu ua leai so latou malamalama.+
15 Isaraelu e, e ui ua e faia le talitane,*+Ae aua neʻi nofosala ai Iuta.+
Aua tou te ō mai i Kilikala+ pe ō aʻe i Petavene,+Pe tautō foʻi, ‘E matou te tautō iā Ieova le Atua soifua!’+
16 Auā e pei o se povi fafine ulavale, ua faapea foʻi ona faalogogatā Isaraelu.+
Po o le a leoleoina nei ea i latou e Ieova e pei o se tamaʻi mamoe poʻa i se mea taalaelae?*
17 Ua pupū tele Efaraima i tupua.+
Ia tuu ai pea o ia!
18 Ua uma a latou pia,*Ona latou feusuaʻi solo lea.*
Ua naunau tele o latou pule* i amioga matagā e māsiasi ai.+
19 O le a saisaitia o ia e le matagi i ona apaʻau,O le a māsiasi foʻi i latou ona o a latou taulaga.”
Faamatalaga Pito i Lalo
^ Epe., “faafilemu.”
^ Po o le “faatonuga.”
^ Epe., “faafilemu.”
^ Pe atonu “Ua latou fesuiaʻi loʻu mamalu ma le faalumaina.”
^ Po o le “matuā faia feusuaʻiga lē mamā; faia faiga faatalitane.”
^ Epe., “E aveeseina ai le loto.”
^ Po o le “faitaaga; feusuaʻi solo.”
^ Po o le “fai mai ai tootoo a o latou faataulāitu.”
^ Po o le “faitaaga; feusuaʻi solo.”
^ Po o le “faitaaga; feusuaʻi solo.”
^ Po o le “faitaaga; feusuaʻi solo.”
^ Po o “latou faitaaga; lo latou feusuaʻi solo.”
^ Po o le “faitaaga; feusuaʻi solo.”
^ Epe., “se mea lautele?”
^ Po o “pia e faia i le saito.”
^ Po o le “matuā faia lea o feusuaʻiga lē mamā; faia lea o faiga faatalitane.”
^ Epe., “talita.”
