O le Tusi i le Faapotopotoga i Kolose 3:1-25
3 Ae afai na faaeaina outou faatasi ma Keriso,+ ia saʻili pea la i mea faalelagi, o i inā o loo nofo ai Keriso i le itu taumatau o le Atua.+
2 Ia taulaʻi pea o outou mafaufau i mea faalelagi,+ ae e lē o mea o i le lalolagi.+
3 Auā ua oti outou, ma ua natia ai lo outou ola faatasi ma Keriso e tusa ma le finagalo o le Atua.
4 Pe a faaali mai le Keriso lo tatou ola,+ ona faaali mai foʻi lea o outou faatasi ma ia i le mamalu.+
5 O le mea lea, ia fasiotia tuʻinanauga i o outou itutino,*+ o amioga lē mamā taufeusuaʻiga,* o faiga lē mamā, o tuʻinanauga lē pulea taufeusuaʻiga,+ o tuʻinanauga leaga, ma le manaʻo tele, o le ifo i tupua lava lea.
6 O mea uma na e oo mai ai le toʻasā o le Atua.
7 O mea uma foʻi na sa masani ona outou faia,* a o outou ola i lenā olaga tuai.*+
8 A o lenei ia outou tuu ese mai iā te outou le lotoa, o le ita, o le leaga,+ o upuleaga,+ ma e lē tatau ona sau se upu masoā+ mai i o outou gutu.
9 Aua le pepelo le tasi i le isi.+ Ia toese le tagata tuai+ ma ana gaoioiga,
10 ae ia oofu outou i le tagata fou+ ua faafouina i le poto saʻo, ina ia foliga e pei o Lē na foafoaina o ia,+
11 o lea e leai se faaeseesega po o se Iutaia po o se Eleni, o sē e peritomeina po o sē e lē peritomeina, o se tagata ese, po o se Sekutia,* se pologa po o sē e saʻoloto; ae ua iā Keriso mea uma, ua iai foʻi o ia i tagata uma lava.+
12 Talu ai o outou o ē ua filifilia e le Atua,+ o ē ua paia ma alofagia, ia oofu outou i le alofa mutimutivale,+ le agalelei, lotomaulalo,+ agamalu,+ ma le onosaʻi.+
13 Ia faaauau ona faapalepale le tasi i le isi, ma ia fefaamagaloaʻi ma le lotoatoa+ e tusa pe e faia e se tasi se mea e tigā ai le isi.+ E pei ona finagalo malie Ieova* e faamagalo iā te outou, ia faapea foʻi ona outou faia.+
14 Peitaʻi, e iai foʻi se isi mea e manaʻomia, ia oofu outou i le alofa,+ auā o le fusi lea e atoatoa ona autasi ai.+
15 Ia pulea foʻi e le filemu mai iā Keriso o outou loto,+ auā o le filemu lea ua valaauina ai outou i le tino e tasi. Ia faaalia foʻi lo outou lotofaafetai.
16 Ia nofo i totonu iā te outou le upu a Keriso, ia matuā tele ma iʻu i le atamai uma. Ia faaauau ona aʻoaʻo ma faalaeiau* atu le tasi i le isi i salamo,+ o viiga i le Atua, o pese faaleagaga e usuina ma le lotofaafetai,* ia pepese iā Ieova* mai i o outou loto.+
17 O mea uma foʻi tou te tautatala atu ai pe tou te faia, ia faia mea uma lava i le suafa o le Alii o Iesu, ma faafetai atu ai i le Atua le Tamā e ala iā te ia.+
18 O outou avā, ia gauaʻi i a outou tane,+ auā o le mea lea e tatau i le Alii.
19 O outou tane, ia alolofa atu pea i a outou avā,+ ma aua le soona feita* iā i latou.+
20 O outou le fanau, ia usiusitaʻi i o outou mātua i mea uma lava,+ auā o le mea lea e finagalo malie i ai le Alii.
21 O outou tamā, aua le faaʻonoʻono* i a outou fanau,+ ina neʻi lotovaivai i latou.
22 O outou pologa, ia usiusitaʻi i mea uma iā i latou o ē ua avea ma o outou matai i le lalolagi,*+ e lē na o taimi e latou te vāai atu ai ina ia tau ina ia faafiafia i tagata, ae ia faia i le lotofaamaoni ma le mataʻu iā Ieova.*
23 O so o se mea e tou te faia, ia galue i ai ma le lotoatoa, e pei o loo faia iā Ieova*+ ae e lē o tagata,
24 auā ua outou iloa, e tou te maua mai iā Ieova* le taui, o le tofi lea.+ Ia outou pologa mo le Matai, o Keriso lea.
25 O le mea moni, o lē e faia le mea sesē, e toe taui mai iā te ia e tusa ma le mea sesē na ia faia,+ auā e lē faailoga tagata le Atua.+
Faamatalaga Pito i Lalo
^ Ele., “o outou itutino o i le lalolagi.”
^ O le upu Eleni, o le por·nei′a. Tagaʻi i le Uiga o Upu.
^ Po o le “masani ona outou savavali ai.”
^ Po o le “a o outou ola faapena.”
^ O le upu “Sekutia” e faatatau atu i tagata amio faanuupō.
^ Po o le “apoapoa‘i.”
^ Po o le “usuina ma ia logolelei.”
^ Po o le “‘inaʻinā.”
^ Po o le “faatigā loto.”
^ Ele., “i la le tino.”
