Mika 4:1-13
4 O aso e gata ai,O le a oo ina faatumauina ai le mauga o le fale o Ieova+I luga o tumutumu o atumauga,O le a faamaualugaina foʻi e sili i aʻega,Ma e gasolo ane i ai tagata.+
2 E ō mai lava atunuu e tele ma faapea ane:
“Ō mai ia, tatou ō aʻe i le mauga o Ieova,I le fale o le Atua o Iakopo.+
E na te aʻoaʻoina ai i tatou i ona ala,Ma tatou savavali ai i ona ala.”
Auā e alu atu le tulafono* mai i Siona,Ma le afioga a Ieova mai i Ierusalema.
3 E faamasino foʻi o ia i nuu e tele,+Ma faasaʻo mataupu a atunuu malolosi e mamao.
E latou te tuʻi a latou pelu e fai ma uʻamea o suōtosina,Ma a latou tao e fai ma pelu e teu ai laau.+
E lē toe sii le pelu a le tasi atunuu i le tasi atunuu,Pe latou te toe aʻoaʻo foʻi i taua.+
4 E taʻitoʻatasi i latou ma nofo i lalo o lona vine ma lalo o lona mati,+E leai foʻi se tasi e faamataʻu iā i latou,+Auā ua faapea ona tulei mai ai le fofoga o Ieova o ʻau.
5 Auā e taʻitasi nuu uma ma savavali i le igoa o lona atua,Ae e tatou te savavali i le suafa o Ieova lo tatou Atua+ e faavavau, faavavau lava.
6 “I lenā aso,” ua fetalai mai ai Ieova,“Ou te faapotopoto ai le nuu ua setusetu,Ma ou te faapotopotoina foʻi le nuu ua faataapeapeina,+Faatasi ma le nuu na ou faamanuʻaliaina.
7 Ou te faatotoe nisi mai i le nuu sa setusetu,+Ma faia le nuu ua ave i se mea mamao o se atunuu malosi;+O le a pule Ieova o se tupu iā i latou i le mauga o Siona,E amata atu nei e oo i le faavavau.
8 A o oe, Le ʻolo e o le lafu,Le mea maupuʻepuʻe o le tama fafine a Siona,+E oo mai lava iā te oe, ioe, e toe oo mai iā te oe le uluaʻi pulega,*+O le malo o le tama fafine a Ierusalema.+
9 O lenei, aiseā ua e alaga leotele ai?
Pe e lē o iā te oe ea se tupu?Po ua faaumatia ea foʻi lau faufautua?Po o le mea ea lea ua tigā ai oe e pei o se fafine o le a fanau?+
10 Le tama fafine a Siona e, inā tigā ia ma faatigā,E pei o se fafine o le a fanau,Auā o le a e alu atu nei mai i le aai ma e nofo i le fanua.
O le a e alu atu lava i Papelonia,+O i inā o le a laveaʻiina ai oe;+O i inā foʻi o le a toe faatau mai ai oe e Ieova mai i lima o ou fili.+
11 O le a faapotopoto atunuu e tele e faasagatau atu iā te oe;E latou te faapea ane, ‘Ia faaleagaina o ia,Ma ia vāai atu o tatou mata i le mea ua tupu iā Siona.’
12 Ae ua latou lē iloa manatu o Ieova,Ua latou lē malamalama foʻi i lona finagalo;*Auā o le a ia aoaoina i latou e pei o se faaputuga o fatu faatoʻā seleseleina i le mea e soli ai saito.
13 Le tama fafine a Siona e, inā tulaʻi ia ma solisoli;+Auā ou te suia ou seu i le uʻamea,Ma ou atigivae i le ʻapamemea,E te tu‘imomomoina foʻi nuu e tele.+
E te tuu atu iā Ieova a latou polofiti na maua i faiga lē saʻo,Ma a latou alagāʻoa mo le Alii moni o le lalolagi uma.”+
