Salamo 31:1-24
I le faatonu o le ʻaufaimusika. O le pese a Tavita.
31 Ieova e, ou te sulufaʻi atu iā te oe.+
Tau ina ia aua neʻi faamāina a‘u.+
Ia e lavea‘i iā te a‘u ona o lau amiotonu.+
2 Ia liliu mai ou fofoga* iā te aʻu.
Ia vave ona e laveaʻi mai iā te aʻu.+
Ia fai oe ma oʻu sulufa‘iga i le mauga,O se nofoaga malupuipuia e faaolaina ai aʻu.+
3 Auā o oe o loʻu papa ma loʻu ʻolo malosi;+Ona o lou suafa,+ e te taʻitaʻia ma faatonuina ai aʻu.+
4 E te aveese aʻu mai i le upega na latou natia mo aʻu,+Auā o oe o loʻu ‘olo.+
5 Ou te tuuina atu loʻu agaga i lou aao.+
Ieova e, le Atua faamaoni,*+ ua e togiolaina aʻu.
6 Ou te ʻinoʻino iā i latou o ē e tapuaʻi i tupua e lē aogā,A o aʻu, ou te faatuatua iā Ieova.
7 Ou te matuā olioli i lou alofa faamaoni,Ona ua e silasila mai i loʻu puapuaga;+Ua e silafia foʻi loʻu matuā mafatia.
8 Ua e lē tuuina atu aʻu i le fili,Ae ua e faatūina a‘u i se mea saogalemu.*
9 Ieova e, ia e alofa mai iā te aʻu, auā ua ou mafatia lava.
Ua vaivai oʻu mata ona o mea e tigā ai,+ faapea foʻi loʻu tino atoa.*+
10 Ua tumu loʻu ola i faanoanoaga+Faapea oʻu tausaga i tigā.+
Ua tauau ina uma loʻu malosi ona o oʻu sesē;Ua vaivai foʻi oʻu ivi.+
11 Ua tauemua a‘u e ē uma e ita mai iā te aʻu,+Aemaise oʻu tuaoi.
Ua matataʻu foʻi iā te aʻu o ē e matou te masani;Pe a latou vaaia aʻu i fafo, ona latou sosola ese lea mai iā te aʻu.+
12 Ua faagaloina aʻu i o latou loto* ma lē toe manatuaina, e pei o sē ua oti;Ua pei aʻu o se fagu ua nutililiia.
13 Ua ou faalogo i le tele o tala leaga;Ua siʻosiʻomia aʻu e le mataʻu.+
Ua latou faapotopoto faatasi,Ma faufau e fasioti a‘u.+
14 Ae ou te faatuatua iā te oe Ieova e.+
Ua ou faailoa atu: “O oe o loʻu Atua.”+
15 Ua i ou aao oʻu aso.*
Ia e laveaʻi iā te aʻu mai i lima o oʻu fili, ma i latou o loo faasauā iā te aʻu.+
16 Ia faamalamalama mai ou fofoga i luga o lau auauna.+
Ia e faaolaina foʻi aʻu i lou alofa faamaoni.
17 Ieova e, tau ina ia aua neʻi faamāina aʻu pe a ou valaau atu iā te oe.+
Tau ina ia faamāina o ē e amioleaga;+Tau ina ia punitia o latou gutu i le Tuugamau.*+
18 Tau ina ia lē magagana laugutu pepelo,+O laugutu e tautatala faasausili, faamaualuga, ma le ʻinoʻino i lē e amiotonu.
19 Maʻeu lava le tele o lou lelei!+
Ua e teuina mo i latou e matataʻu iā te oe,+Ua e faaalia foʻi i luma o tagata uma, mo i latou e sulufaʻi atu iā te oe.+
20 E te natia i latou i le mea lilo i ou luma+Mai i faufauga a tagata;E te faalalafi i latou i lou faleʻieMai i osofa‘iga leaga.*+
21 Tau ina ia viia Ieova,Auā ua ia faaalia iā te aʻu lona alofa faamaoni i se auala mata‘ina,+ i se aai ua siʻomia e fili.+
22 A o aʻu, ua ou popolevale ma faapea atu:
“O le a soloiesea aʻu mai i ou luma.”+
Ae ua e faafofoga mai i aʻu ʻaiʻoiga mo se fesoasoani, ina ua ou tagi atu iā te oe.+
23 Ia alolofa iā Ieova, o outou uma e faamaoni iā te ia!+
E puipuia e Ieova o ē e faamaoni,+Ae e na te matuā taui atu i ē e faamaualuluga.+
24 Ia lototetele, ma tau ina ia malolosi o outou loto,+O outou uma o ē o loo faatalitali iā Ieova.+
Faamatalaga Pito i Lalo
^ Po o le “Ia punou ifo ma faafofoga mai.”
^ Po o “le Atua o le upu moni.”
^ Po o “se mea lautele.”
^ Po o “loʻu tino ma loʻu manava.”
^ Po o le “mafaufau.”
^ Epe., “taimi.”
^ Po o “Seoli.” Tagaʻi i le Uiga o Upu.
^ Epe., “Mai i finauga a laulaufaiva.”
