Mibvunzo yeBhaibheri Inopindurwa
Ndiani chaizvo ari kutonga nyika ino?
Kudai Mwari ari iye mutongi wenyika ino, paizova nekutambura kwakanyanya kudai here?
Vanhu akawanda vanodavira kuti Mwari wechokwadi ndiye mutongi wenyika ino. Asi kudai ichocho chaiva chokwadi, nyika yaizodai yakazara nokutambura here? (Dheuteronomio 32:4, 5) Bhaibheri rinotaura kuti nyika ino iri kutongwa nemunhu akaipa.—Verenga 1 Johani 5:19.
Munhu akaipa akasvika sei pakutonga vanhu? Pakutanga kwenhoroondo yevanhu, imwe ngirozi yakapandukira Mwari ndokukurudzira vanhu vaviri vokutanga kuti vapandukewo. (Genesisi 3:1-6) Vanhu vaviri ivavo vakasarudza kuteerera ngirozi yakapanduka, Satani, ndokuita kuti ive mutongi wavo. Mwari Wemasimbaose ndiye chete ane kodzero yokuva Mutongi, asi anoda kuti vanhu vasarudze kutongwa naye zvichibva pakumuda kwavanoita. (Dheuteronomio 6:6; 30:16, 19) Zvinosuruvarisa kuti vakawanda vakatsauswa kuti vaite chisarudzo chakaipa sezvakaitwa nevaviri vokutanga.—Verenga Zvakazarurwa 12:9.
Ndiani achagadzirisa matambudziko evanhu?
Mwari acharega Satani achingopfuurira neutongi hwake hwakaipa here? Kwete! Mwari achashandisa Jesu kubvisa uipi hwakakonzerwa naSatani.—Verenga 1 Johani 3:8.
Achitsigirwa naMwari, Jesu achaparadza Satani. (VaRoma 16:20) Pashure peizvi Mwari achange ava mutongi wevanhu, oita kuti vararame vachifara uye vaine rugare sezvaaida pakutanga.—Verenga Zvakazarurwa 21:3-5.
Zvimwe Zvaunogona Kufarira
MIBVUNZO YEBHAIBHERI INOPINDURWA
Kutambura Kwatiri Kuita Kunokonzerwa naMwari Here?
Munhu wose anogona kusangana nematambudziko kunyange vaya vanonamata Mwari. Nemhaka yei?
NHARIREYOMURINDI
Nei Zvakaoma Kuti Panyika Pave Nerugare?
Pasinei nezvinoedza kuitwa nevakawanda, vanhu havasi kukwanisa kuita kuti panyika pave nerugare. Ona kuti nei.
MIBVUNZO YEBHAIBHERI INOPINDURWA
Zvichafamba Sei Kuti Pasi Rose Pave Nerugare?
Ona kuti Mwari anovimbisa sei kuti achaunza rugare pasi rose achishandisa Umambo hwake.
