6 OCTOBER 2022
PHILIPPINES
Dutu Rinonzi Typhoon Noru Rinoparadza Zvinhu muPhilippines
Musi wa25 September 2022, dutu rinonzi Super Typhoon Noru, iro rinozivikanwawo nezita rekuti Karding, rakasvika pazvitsuwa zvePolillo Islands zviri muQuezon Province, kuPhilippines. Dutu racho rakazosvikawo muAurora Province. Dutu iri raiva nemhepo yaifamba makiromita 195 paawa uye dzimwe nguva yaisvika makiromita 240 paawa. Typhoon Noru yakaparadza dzimba, migwagwa nemabhiriji uye yakakonzerawo mafashamo asingaiti.
Zvakaitika kuHama Nehanzvadzi Dzedu
Hapana hama kana hanzvadzi yedu yakafa
Mhuri 180 dzaitofanira kusiya misha yadzo
Dzimba 209 dzakakanganisika, asi kwete zvakanyanya
Dzimba 20 dzakakanganisika zvakanyanya
Dzimba 22 dzakaparadzwa
Dzimba dzeUmambo 7 dzakakanganisika, asi kwete zvakanyanya
Imba yeUmambo imwe chete yakakanganisika zvakanyanya
Mabasa Ekuyamura
Pakagadzwa Makomiti Ekuyamura Panoitika Njodzi maviri
Vakuru vari kunyaradza hama nehanzvadzi dzakawirwa nenjodzi iyi uye vari kuvabatsirawo nezvavanoda pakurarama
Mabasa ekuyamura ari kuitwa pachitevedzerwa mitemo ine chekuita nekuzvidzivirira paCOVID-19
Tinoramba tichinyengeterera hama nehanzvadzi dzedu dzakaparadzirwa zvinhu nedutu iri, idzo dziri kuramba dzichipotera kuna Jehovha.—Pisarema 57:1.
Zvimwe Zvaunogona Kufarira
MIBVUNZO INONYANYA KUBVUNZWA
Zvapupu zvaJehovha zvinobatsira vanenge vawirwa nenjodzi here?
Ona kuti tinobatsira sei vanenge vawirwa nenjodzi kusanganisira vatisinganamati navo.