Zvapupu zvaJehovha Zvinorambidza Mamwe Mafirimu, Mabhuku, Kana Kuti Nziyo Here?
Kwete. Sangano redu hariongorori mafirimu, mabhuku, kana kuti nziyo kuitira kuti rione kuti ndezvipi zvisingakodzeri kuonekwa nevatinonamata navo. Chikonzero nei?
Bhaibheri rinokurudzira kuti mumwe nomumwe ashandise kunzwisisa kwake kuti azive kuti chakanaka ndechipi uye chakaipa ndechipi.—VaHebheru 5:14.
Magwaro ane mashoko anobatsira muKristu pakusarudza zvinomuvaraidza. a Kufanana nezvimwe zvose zvatinoita muupenyu, chinangwa chedu ‘ndechokuramba tichiva nechokwadi chezvinhu zvinogamuchirika kunaShe.’—VaEfeso 5:10.
Bhaibheri rinodzidzisa kuti baba ndivo musoro wemhuri, uye vane simba rokusarudza zvinhu zvinofanira kuonekwa nevanhu vari pamba pavo. (1 VaKorinde 11:3; VaEfeso 6:1-4) Asi kana musiri mumhuri, hapana ane simba rokuudza vamwe kuti mafirimu akati, nziyo, kana kuti vaimbi hazvina kukodzera vanhu vari muungano.—VaGaratiya 6:5.
a Somuenzaniso, Bhaibheri rinorambidza chinhu chose chinokurudzira kuita zvemidzimu, unzenza kana kuti kurwisana.—Dheuteronomio 18:10-13; VaEfeso 5:3; VaKorose 3:8.
Zvimwe Zvaunogona Kufarira
VECHIDIKI VANOBVUNZA KUTI
Zvine Basa Here Kuti Ndinoteerera Nziyo Dzakaita Sei?
Sezvo nziyo dziine simba, inzwa zvaungaita kuti usarudze nziyo dzako nekungwarira.
MAVHIDHIYO EMAKATUNI OKUDHIROWA
Mavideo Game: Ichokwadi Kuti Uri Kuhwinha Here?
Mavideo game anonakidza asi anoda kungwarirwa. Zvii zvaungaita kuti asakukanganisa?
ZVINODZIDZISWA NEBHAIBHERI
Imboedza Kuita Kosi yeBhaibheri
Dzidza Bhaibheri uchibatsirwa nemumwe munhu.