TAN NA AI!
Wan ten o kon pe wánfasi o de na mindri sma fu difrenti ras?—San Bijbel e taki?
Wánfasi na mindri sma fu ala ras na wan sani di furu sma e si leki wan dren di noiti no o kon tru.
„Na heri grontapu sma fu difrenti ras no man feni en nanga densrefi na ini a libimakandra, na ini difrenti organisâsi èn na ini na aladei libi. Te now ete a sani disi e meki taki sma no e libi bun nanga makandra.”—António Guterres, Secretaris-Generaal fu den Verenigde Naties.
Yu denki taki wan ten o kon pe wánfasi o de na mindri sma fu ala ras? San Bijbel e taki?
Fa Gado e si sma fu difrenti ras
Bijbel e sori wi fa Gado e denki fu sma fu difrenti ras.
„Fu wán sma nomo [Gado] meki ala tra sma fu libi na heri grontapu.”—Tori 17:26.
„Gado no lobi a wan sma moro a trawan, ma awansi fu sortu kondre wan sma de, efu a e lespeki Gado èn a e du san reti, dan Gado feni en bun.”—Tori 10:34, 35.”
Bijbel e taki dati ala sma na famiri fu makandra èn Gado lobi sma fu ala sortu ras.
Fa wánfasi o kon na mindri sma fu difrenti ras
Na wan regering na hemel di den e kari Gado Kownukondre, o sorgu taki wánfasi kon na mindri sma fu difrenti ras. A regering dati o leri sma fa den musu libi bun nanga trawan. Sma o leri fu no desko trawan moro, soso fu di den de fu wan tra ras.
„Den sma fu grontapu [o] leri san na retidu.”—Yesaya 26:9.
„Te trutru retidu o du en wroko, dan ala sani o waka bun. Iya, te trutru retidu de, ala sma o de korostu ala ten èn den no o abi broko-ede.”—Yesaya 32:17.
Na ini a ten disi milyunmilyun sma e leri fu Bijbel fa den musu libi bun nanga trawan èn fa den musu sori lespeki gi ala sma.
Efu yu wani sabi moro, dan luku na artikel „Vooroordelen: Hoe kom je ervan af?” na ini a tijdschrift Ontwaakt!
Leisi na artikel „Met je kind over racisme praten” efu yu wani sabi fa papa nanga mama kan taki nanga den pikin fu a tori disi.