Odo 24:1-34
24 No dyarusu tapu ogrismaèn no angri fu moksi nanga den.
2 Bika den e sdon prakseri sortu ogr’ati sani den kan duèn nanga den mofo den e taki fa den o poti tra sma na ini problema.
3 Nanga koni wan sma e bow wan oso*èn nanga ferstan a e meki na oso tnapu steifi.
4 Na sabi e meki taki den kamra fu en furunanga ala sortu moi èn diri sani.
5 Wan koniman na wan tranga manèn sabi e meki taki wan man e kon moro tranga.
6 Suku koni rai te yu o go feti.Furu raiman o meki yu wini a feti.*
7 Wan donman no man kisi trutru koni.A no man taki noti na den portu fu a foto.
8 Wan sma di e sdon prakseri sortu ogri a kan du,den o kari basi fu ogri prakseri.
9 Den ogri di wan donsma e prakseri fu du na wan sonduèn sma e teige wan spotuman.
10 Efu yu e firi brokosaka te nowtu miti yu,*dan yu no o abi furu krakti.
11 Ferlusu den sma di den e tyari go dedeèn kibri a libi fu den sma di den e tyari go kiri.
12 Efu yu taki: „Ma wi no ben sabi”,
dan Gado di e ondrosuku sma ati o sabi efu dati tru.
Iya, Gado di e luku san yu e du o sabièn a o pai ibri sma gi den sani di den e du.
13 Mi boi, nyan oni, bika a bun.Oni fu wan onigodo switi.
14 Na so koni bun gi yu tu.
Efu yu feni en, dan yu o abi wan bun tamaraèn a howpu fu yu no o lasi gwe.
15 No seti luru krosbei fu na oso fu wan ret’ati sma fu kan du ogri nanga en.No broko a tanpresi fu en.
16 Bika awinsi wan ret’ati sma fadon seibi leisi a o opo tnapu,ma den ogrisma o fadon fu di ogri miti den.
17 No prisiri te yu feanti fadonèn no breiti te a stotu en futu.
18 Bika Yehovah o si dati èn a no o feni en bun.En ati no o bron moro nanga yu feanti.
19 No ati bron nanga takru-ati sma.No dyarusu tapu sma di e du ogri,
20 bika nowan takru-ati sma o tan na libi.Den o kiri a faya fu a lampu fu den ogrisma.
21 Mi boi, lespeki Yehovah nanga a kownu.
No bemui nanga sma di e opo densrefi teige tiriman,*
22 bika ogri o miti den wantronso.
Nowan sma sabi sortu strafu den* o gi den.
23 Den odo di e kon now de gi den koniwan tu:
A no bun fu teki sei te yu e koti krutu.
24 Te yu e taigi wan ogrisma: „Yu na wan ret’ati sma”,
dan sma o fluku yu èn den pipel fu tra kondre o krutu yu.
25 Ma sani o waka bun gi den sma di e pir’ai gi en.Gado o blesi den nanga bun sani.
26 Sma o bosi a wan di e gi wan eerlijk piki.*
27 Wroko tranga na ini den gron fu yu èn sreka a doti.Baka dati bow yu oso.*
28 No de wan kotoigi di e taki ogri fu wan tra sma sondro fu abi bewijs.
No taki sani fu kori trawan.
29 No taki: „San a du nanga mi, na dati mi o du nanga en tu.Mi o pai en baka fu san a du.”
30 Mi waka psa a gron fu a lesiman,iya, mi psa a droifidyari fu a sma di no abi ferstan.*
31 Mi si taki soso grasi ben e gro na tapu en gron.A ben lai krasi-w’wiri.Den skotu fu a gron ben broko fadon.
32 Di mi si den sani disi, mi go denki a tori.Den sani di mi si leri mi disi:*
33 Efu yu taki: „Mi o sribi pkinso ete, mi o dyonko pkinso ete,mi o fow mi anu pkinso ete fu rostu”,
34 dan fosi yu denki pina o kon na yu tapu leki wan fufurmanèn nowtu o teki yu leki wan man di e kon na yu tapu nanga den fetsani fu en.
Futuwortu
^ Noso: „osofamiri”.
^ Noso: „o meki yu abi bun bakapisi”, „o tyari ferlusu kon”.
^ Noso: „na ini muilek ten”.
^ Noso: „sma di wani tyari kenki kon”.
^ Dati na Yehovah nanga a kownu.
^ Noso kande: „Te wan sma e taki krin fa sani de, dan dati de neleki a e gi wan bosi”.
^ Noso: „osofamiri”.
^ Hebrewtongo: „di e mankeri ati”.
^ Hebrewtongo: „Mi teki a pir’ai”.
