Psalm 145:1-21
Wan prèisesingi fu David.
א [Alef]
145 Mi Gado, mi Kownu, mi o gi yu grani.Mi o prèise yu nen fu ala ten, iya, fu têgo.
ב [Bet]
2 Heri dei mi o prèise yu.Mi o prèise yu nen fu ala ten, iya, fu têgo.
ג [Gimel]
3 Yehovah bigi èn a musu kisi furu grani.Nowan sma man ferstan fa a bigi.
ד [Dalet]
4 Ala den sma di musu kon ete o prèise yu fu den sani di yu du.Den o ferteri trawan fu den bigi sani di yu du.
ה [He]
5 Den o taki fu a glori nanga a grani fu yuèn mi o denki dipi fu den moi sani di yu du.
ו [Waw]
6 Sma o taki fu den bigi sani di yu du.*Mi o ferteri sma fa yu bigi.
ז [Sayin]
7 Sma o prisiri te den prakseri den furu bun di yu duèn den o bari fu prisiri fu di yu na wan Gado fu retidu.
ח [Het]
8 Yehovah abi sar’ati èn a e firi gi sma.En ati no e bron esi èn a abi bigi lobi.*
ט [Tet]
9 Yehovah e du bun gi ala libisanièn ala sani di a e du e sori taki a abi sar’ati.
י [Yod]
10 Yehovah, ala den sani di yu meki o gi yu glori.Den sma di e tai hori na yu o prèise yu.
כ [Kaf]
11 Den o ferteri taki yu na wan kownu di e tiri nanga furu glori.Den o taki fu a bigi makti di yu abi.
ל [Lamed]
12 Den o ferteri sma taki yu du bigi sanièn taki yu na wan kownu di abi bigi glori.
מ [Mem]
13 A kownukondre fu yu o tan fu ala ten.Fu têgo yu o tiri ala libisma.
ס [Samek]
14 Yehovah e yepi ala den sma di de fu fadonèn a e opo ala sma di e d’don na gron fu di den brokosaka.
ע [Ayin]
15 Ala sma e luku yu fu kisi yepi.Na yu e gi den n’nyan na a reti ten.
פ [Pe]
16 Yu e opo yu anuèn yu e gi ala libisani san den e angri fu kisi.
צ [Tsade]
17 Ala ten Yehovah e du san reti.A e du ala ten san a pramisi.
ק [Kof]
18 Yehovah de krosbei fu ala den sma di e kari en.A de krosbei fu ala den sma di e kari en nanga wan krin ati.
ר [Resj]
19 A e gi den sma di abi bigi lespeki gi en, san den e angri fu kisi.Te den e bari suku yepi na en, a e yere den èn a e ferlusu den.
ש [Syin]
20 Yehovah e kibri ala den sma di lobi en.Ma a o kiri ala den ogrisma.
ת [Taw]
21 Mi o opo mi mofo fu prèise Yehovah.Meki ala libisma prèise en santa nen fu ala ten, iya, fu têgo.
