Psalm 94:1-23
94 Yehovah Gado, yu na a sma di e pai den ogrisma gi den sani di den e du.Sori den suma na yu. Strafu den!
2 Krutuman fu grontapu, mi e begi yu, opo du wan sani.
Strafu den heimemre sma gi san den du.
3 Yehovah, o langa den ogrisma o prisiri?Iya, o langa den ogrisma o tan prisiri?
4 Den e taktaki wan lo sani di e sori taki den abi bigifasi.Ala den ogrisma e meki bigi fu den sani di den e du.
5 Yehovah, den e kwinsi a pipel fu yu.Den e pina yu pipel di yu teki leki a gudu fu yu.
6 Den e kiri den trakondre sma nanga den uma di masra dede kba.Den e kiri den pkin di no abi p’pa.
7 Den e taki: „Yah no e si.A Gado fu Yakob no e luku san e psa.”
8 Un sma di no abi ferstan, un kon kisi ferstan.Un donsma, o ten unu o kon koni?
9 Unu denki taki a sma di meki* a yesi no man yere?
Noso unu denki taki a sma di meki na ai no man si?
10 Unu denki taki a sma di e pir’ai gi den pipel no man pir’ai gi unu tu?
Na en e gi sma leri!
11 Yehovah sabi fa libisma e prakseri.A sabi taki den de leki wan blo nomo.
12 Yah, koloku fu a man di yu e gi pir’aièn di yu e leri den wet fu yu.
13 A no e bruya te ogri ten miti en.Iya, a no e bruya awinsi na ogriwan no fadon go na ini na olo ete.
14 Yehovah no o drai baka gi a pipel fu en.A no o gwe libi a pipel di a teki leki a gudu fu en.
15 Den krutuman o koti krutu na wan reti fasi bakaèn ala den ret’ati sma o horbaka gi a fasi fa den e koti krutu.
16 Suma o opo feti nanga den ogriman gi mi?
Suma o yepi mi, iya, suma o opo du wan sani nanga den ogrisma?
17 Efu Yehovah no ben yepi mi,mi ben dede* langa ten kba.
18 Di mi taki: „Mi o grati fadon”,
dan na a bun-ati* fu yu, Yehovah, hori mi tnapu.
19 Di den sorgu* fu mi ben e moro mi,*dan na yu ben e trowstu mi. Yu meki mi firi bun baka.
20 Noiti yu o wroko makandra nanga kruka tiriman,*bika den e meki wet fu kan du ogri.
21 Den e suku fu du ogr’ati sani nanga den ret’ati smaèn den e gi den sma di no du ogri dedestrafu.*
22 Ma Yehovah o tron wan kibripresi gi mi.*A Gado fu mi na wan stonbergi pe mi kan feni kibri.
23 A o meki den ogri di den e du nanga tra sma drai kon miti den.
A o kiri den* nanga den srefi ogri di den e du nanga trawan.
Na Yehovah wi Gado o puru den na pasi.*
Futuwortu
^ Hebrewtongo: „prani”.
^ Hebrewtongo: „ben tan tiri”.
^ Noso: „brok’ede”.
^ Noso: „ben furu gi mi”.
^ Noso: „krutuman”.
^ Noso: „den e suku fowtu na den wan di no du ogri, soso fu kan kiri den”.
^ Noso: „wan bergi pe mi kan go kibri”.
^ Hebrewtongo: „tapu den mofo”.
^ Hebrewtongo: „tapu den mofo”.
