Yob 6:1-30
6 Dan Yob taki:
2 „Mi winsi taki sma ben kan wegi ala a pina fu mi.Mi winsi taki sma ben kan poti den problema fu mi na tapu wan wegi!
3 Bika now den problema fu mi hebi moro leki a santi fu se.
Dati meki mi e taki dondon sani.*
4 Den peiri fu na Almakti Gado sutu mi.Mi e firi fa a vergif fu den e go na ini mi skin.Gado e feti nanga mi èn dati meki mi e frede srefsrefi.
5 Sortu sabanaburiki o bari te a abi grasi fu nyan?Sortu mankaw o bari te a kisi n’nyan?
6 Efu wan sani no abi tesi, yu o nyan en sondro sowtu?Yu lobi nyan sani* di no abi tesi?
7 Mi no wani fasi nowan fu den sani dati.
Den de leki pori n’nyan.
8 Mi winsi taki mi ben o kisi san mi aksièn taki Gado ben o gi mi san mi wani!
9 Mi winsi taki Gado ben o masi mièn taki a ben o langa en anu fu kiri mi!
10 Dati srefi ben o de wan trowstu gi mi.Mi ben o dyompo fu prisiri, aladi mi abi hebi pen.Bika ala ten mi du san a Santa Gado taki.
11 Mi abi krakti fu wakti go doro?
Sortu howpu mi abi, taki mi ben o wani libi go doro?
12 Mi tranga leki ston?
Mi skin na fu kopro?
13 Fa mi o man yepi misrefiefu nowan sma e horbaka gi mi?
14 A sma di no e sori lobi* gi trawanno e frede na Almakti Gado.
15 Mi eigi brada bedrigi mi leki wan liba di abi watra na a kowru ten fu a yari,ma di e kon drei bakaten.
16 Na ijs di e smèlter na ini a liba e meki a kon dungru.A snew di e smèlter e kibri na ini a liba.
17 Ma na a waran ten fu a yari a no abi watra èn a no e lon moro.Te a weer e kon faya, a e lon drei.
18 A e drai go na wan tra sei.A e go na ini a sabana èn a e lon drei.
19 Wan grupu sma fu Teima di e waka fu a wan presi go na a trawan, e suku watra.Den sma fu Seiba di no e tan na wan presi nomo,* e wakti fu a watra kon.
20 Ma den kisi syen, fu di den ben de seiker taki den ben o feni watra.Den kon te na a presi pe a liba de, ma tòg den no feni san den ben e suku.
21 Gi mi, unu de leki a liba disi.Unu si den problema di e miti mi, dan unu e frede.
22 Mi aksi unu fu gi mi wan sani,
noso fu gi wan sma wan gudu fu yepi mi?’
23 Mi ben aksi unu fu ferlusu mi fu wan feanti,noso fu puru mi na a anu fu sma di e basi mi?
24 Taigi mi san mi du, dan mi o tan pî.Yepi mi ferstan sortu ogri mi du.
25 Wortu di taki nanga wan krin ati no e hati!
Ma sortu bun a pir’ai fu unu e du?
26 Unu e suku fu pir’ai gi mi fu den sani di mi taki?Te wan sma e bruya, a e taki sani di e wai gwe leki winti.
27 Unu ben o iti lot srefi fu luku san fu du nanga wan pkin di no abi papa nanga mama.Unu ben o seri un eigi mati!
28 Sobun, un drai luku mi.Unu o si taki mi no e lei gi unu.
29 Mi e begi unu, un denki a tori baka. No krutu mi.Denki bun, bika te now ete mi na wan ret’ati sma.
30 Unu denki taki mi e taki sani di no bun?
Unu denki taki mi no sabi taki wan sani no bun?
Futuwortu
^ Noso: „mi e taki sani sondro fu denki”.
^ Bakratongo: „heemst”. Disi na wan plantje di abi loli èn di no abi tesi.
^ Noso: „Den Sabeisma di e waka fu a wan presi go na a trawan”.
