Suma na Gado?
Furu sma e taki dati den e bribi na ini Gado. Ma te yu e aksi den suma na Gado, dan den e gi difrenti piki. Son sma e si Gado leki wan ogri-ati krutuman di de nomo fu strafu sma gi den fowtu di den e meki. Trawan e si en leki wan Gado di ala ten e sori lobi gi sma èn di de klariklari fu gi den pardon awinsi san den du. Ma tra sma de tu di e bribi taki Gado de farawe èn taki a no e broko en ede nanga wi. Fu di sma abi someni difrenti denki fu a tori disi, meki furu sma feni taki libisma no man kon sabi suma na Gado.
A de fanowdu fu kon sabi Gado? Iya, a de fanowdu. Te yu kon sabi Gado, dan dati o yepi yu fu abi wan bun libi (Tori fu den apostel 17:26-28). O moro yu e kon krosibei na Gado, o moro a o lobi yu èn yepi yu (Yakobus 4:8). Te fu kaba, te yu kon sabi Gado bun, dan disi kan meki taki yu kisi têgo libi.—Yohanes 17:3.
Fa yu kan kon sabi Gado? Prakseri wan bun mati fu yu. Fa yu nanga en tron mati? A no de fu taki dati yu kon sabi fa a sma dati nen, den fasi fu en, den sani di a lobi èn di a no lobi, den sani di a du èn di a e prakseri fu du, èn so moro fara. Na den sani disi meki yu kon lobi a sma dati. Yu kon sabi en moro bun.
Wi kan kon sabi Gado tu te wi e poti prakseri na den sani disi:
A tijdschrift disi o yepi fu kon sabi fa Bijbel e piki den aksi disi. Den artikel o yepi yu fu kon sabi Gado èn fu kon sabi sortu wini yu o kisi te yu e tron wan mati fu en.
Kande yu lobi den tori disi tu
A WAKTITOREN
Wi kan leri sabi Gado trutru?
Wi no man frustan son sani fu Gado. Ma te yu luku en bun, den srefi sani dati kan yepi wi fu kon krosibei na en.
