„Libisma o pori a grontapu disi?”

● Te yu ben o de bun fara na loktu èn yu ben o luku grontapu, dan a gersi wan moi blaw-weti diriston. Ma te yu ben o luku moro krosibei, dan yu ben o si taki a grontapu fu wi de na ini problema. Fu san ede? A piki makriki. Libisma no e sorgu bun gi grontapu. Den e pori grontapu fu di den e doti en, den e koti bigi busi trowe èn den e gebroiki den gudu fu grontapu fu kisi wini gi densrefi nomo. Boiti dati den e pori a grontapu fu di den e du ogridu, den e kiri sma èn den e du hurudu.

Sowan tu dusun yari pasa, prenspari profeititori di skrifi na ini Bijbel ben taki fu a sari situwâsi disi. Bijbel ben taki na fesi tu taki a no libisma o meki sani na grontapu kon bun baka, ma na Gado o du dati. Den prenspari tori disi o kon na krin na ini a lezing di nen: „Libisma o pori a grontapu disi?” A lezing disi o hori na a „Meki Gado Kownukondre kon!” Distrikt Kongres fu Yehovah Kotoigi, di o bigin na ini mei na Amerkankondre èn di o hori na tra presi na heri grontapu.

Yu e kisi a kari fu kon na a kongres di e hori krosibei fu pe yu e tan. Efu yu wani sabi moro, dan aksi Yehovah Kotoigi na ini a kontren fu yu, noso skrifi go na den sma di e tyari a tijdschrift disi kon na doro.