Iya. Wi e bribi na ini Yesus, di ben taki: „Mi na a pasi, mi na san tru, èn mi na a libi. Nowan sma kan kon na a Tata sondro mi” (Yohanes 14:6). Wi e bribi taki Yesus komoto na hemel fu kon na grontapu èn taki a pai wan lusu-paiman leki libisma di no abi sondu (Mateyus 20:28). Di a dede èn a kon na libi baka, a opo na okasi gi den sma di e bribi na ini en fu kisi têgo libi (Yohanes 3:16). Wi e bribi tu taki Yesus e tiri now leki Kownu fu Gado Kownukondre na hemel. Dyonsro a Kownukondre dati o tyari freide kon na a heri grontapu (Openbaring 11:15). Ma san prenspari gi wi na san Yesus taki dya: „A Tata bigi moro mi” (Yohanes 14:28). Sobun, wi no e anbegi Yesus, fu di wi no e bribi taki en na a Almakti Gado.