BoFakazi BaJehova Bashumayela Emtini Ngemuti Ngobe Bafuna Kusindziswa Yini?
Chake. Sishumayela njalo emtini ngemuti kodvwa asikholelwa kutsi kwenta lomsebenti ngiko lokutasisindzisa. (Efesu 2:8) Sikusho ngani loko?
Ase sibekise: Cabanga ngendvodza lenemusa lenesipho lesibitako leyetsembise kusinika nobe ngabe ngubani lotawufika endzaweni letsite ngelilanga lelibekile. Nangabe wetsemba kutsi lendvodza itasifeza lesetsembiso ungakwenta yini lekushoko? Akungabateki kutsi ungakwenta. Ungatjela ngisho bangani netihlobo ngalendzaba kuze nabo basitfole lesipho. Nanobe kunjalo, lesipho awusitfoli ngenca nje yekutsi wente lokushiwo ngulendvodza kodvwa ungasitfola ngobe kungiyo letsandza kukupha sona.
Ngendlela lefanako, boFakazi BaJehova bakholelwa esetsembisweni saNkulunkulu sekuphila lokuphakadze lakwetsembise bonkhe bantfu labamlalelako. (Roma 6:23) Setama kukucocela labanye lesikukholelwako setsemba kutsi nabo batawuzuza kulesetsembiso saNkulunkulu kodvwa asikholelwa ekutseni kusindziswa sitakutfola ngekwenta lomsebenti. (Roma 1:17; 3:28) Liciniso likutsi sibusiso lesivela kuNkulunkulu sekuphila phakadze sitasitfola ngemusa wakhe. “Wasisindzisa, hhayi ngobe besente imisebenti yekulunga, kodvwa ngesihawu sakhe.”—Thithusi 3:5.
Lokunye Longatsandza Kukuhlola
IMIBUTO BANTFU LABAVAMISE KUYIBUTA
Yini Indzaba BoFakazi BaJehova Bangena Umuti Nemuti?
Tfola kutsi yini Jesu latjela bafundzi bakhe bekucala kutsi bayente.
TIMPHENDVULO TEMIBUTO LEMAYELANA NELIBHAYIBHELI
Jesu Uyasindzisa—Kanjani?
Kungani sidzinga kuncuselwa nguJesu? Kukholwa kuJesu ngiko kuphela yini lokungenta umuntfu asindziswe?
TIMFUNDZISO TELIBHAYIBHELI LETIBALULEKILE
Kungani Jesu Afa?
Kungenteka uke weva kutsi wafela tono tetfu. Kodvwa kungenteka kanjani kutsi kufa kwemuntfu munye kuzuzise tigidzigidzi tebantfu?
MAYELANA NATSI
Yani emhlanganweni
Fundza kabanti ngemihlangano yetfu. Tfola indzawo lokuhlanganwa kuyo ledvutane nawe.