Isaya 35:1-10
35 Lihlane nendzawo leyomile kutawujabula,+Indzawo lebekile lelugwadvule itawujabula kakhulu, ichakaze njengembali.*+
2 Nakanjani itawuchakaza;+Itawujabula, imemete ngenjabulo.
Itawuniketwa inkhatimulo yeLebanoni,+Iniketwe nebuhle beKhameli+ nebeSharoni.+
Batawubona inkhatimulo yaJehova, babone buhle baNkulunkulu wetfu.
3 Cinisani tandla letibutsakatsaka,Nicinise nemadvolo lacegako.+
4 Khulumani nalabo labanetinhlitiyo letikhatsatekile nitsi:
“Cinani. Ningesabi.
Nkulunkulu wenu utawuta atophindzisela,Nkulunkulu utawuta nesijeziso.+
Utawuta atonikhulula.”+
5 Ngaleso sikhatsi, emehlo alabangaboni ayawuvuleka,+Netindlebe talabangeva tiyawuvuleka.+
6 Ngaleso sikhatsi, labachutako bayawugcumagcuma njengenyamatane,+Nelulwimi lwalabangakhulumi luyawumemeta ngenjabulo.+
Ngobe kuyawuphuma emanti ehlane,Kube nemifudlana endzaweni lebekile lelugwadvule.
7 Indzawo leyomiswe kushisa iyawuba sitiba lesigcwele umhlanga,Nendzawo leyomile iyawuba netiyalu temanti.+
Lapho bekuphumula khona bojakalazi,+Kuyawuba netjani lobuluhlata, umhlanga nephaphira.*
8 Umgwaco lomkhulu uyawuba lapho,+Umgwaco lobitwa ngekutsi Ngumgwaco Webungcwele.
Umuntfu longakahlanteki angeke ahambe kuwo.+
Lomgwaco waloyo lohamba kuwo kuphela;Kute silima lesiyawudukela kuwo.
9 Kute libhubesi leliyawuba lapho,Futsi kute tilwane tesiganga letiyingoti letiyawuhamba kuwo.
Angeke titfolakale lapho;+Ngulabahlengiwe kuphela labayawuhamba kuwo.+
10 Labo labatawube bahlawulelwe nguJehova bayawubuyela+ eSiyoni bamemeta ngenjabulo.+
Injabulo lengapheli iyawuba ngumchele etinhloko tabo.+
Injabulo nentfokoto kuyawuba kwabo,Lusizi nekulila kuyawubaleka.+
