Isaya 55:1-13
55 Wotani nonkhe nine lenomile,+ wotani nitotfola emanti!+
Wotani nine leningenamali, wotani nitotsatsa nidle!
Yebo, wotani nitotsatsa liwayini nelubisi+ ngaphandle kwemali, ningabhadali.+
2 Nichubekelani nekubhadala imali yalokungasiso sinkhwa,Futsi niwumoshelani umholo* wenu entfweni lenganesutsisi?
Ngilalelisiseni futsi nidle lokukahle,+Nitawujabula* kakhulu ngekudla lokunemsoco.*+
3 Lalelani futsi nite kimi.+
Lalelani khona nitewuchubeka* niphila,Futsi ngitakwenta sivumelwane saphakadze nani+Ngitawetsembeka, nginikhombise lutsandvo lolucotfo lengalwetsembisa Davide.+
4 Ngamenta fakazi+ etiveni,Ngamenta umholi+ nembusi+ wetive.
5 Wena uyawubita sive longasati,Futsi bantfu besive lesingakwati bayawugijimela kuweNgenca yaJehova Nkulunkulu wakho,+ Longcwele waka-Israyeli,Ngobe utakukhatimulisa.+
6 Funani Jehova asatfolakala.+
Mbiteni asesedvutane.+
7 Umuntfu lomubi akashiye indlela yakhe+Nalokhohlakele akayekele imicabango yakhe;Akabuyele kuJehova lotawuba nemusa kuye,+Abuyele kuNkulunkulu wetfu ngobe utamtsetselela ngekukhululeka lokukhulu.+
8 “Ngobe imicabango yami ayifanani nemicabango yenu,+Netindlela tami atifanani netindlela tenu,” kusho Jehova.
9 “Ngobe njengobe emazulu aphakeme kunemhlaba,Kanjalo-ke netindlela tami tiphakeme kunetindlela tenuNemicabango yami iphakeme kunemicabango yenu.+
10 Njengobe nje imvula nelichwa kwehla kuvela ezulwiniFutsi kungabuyeli khona kungakawumantisi umhlaba, futsi njengobe kuwubangela kutsi utsele, kube khona lokuhlumako,Kunikete umhlanyeli inhlanyelo, nalodlako kumnikete kudla,
11 Liyawuba njalo-ke nelivi lami leliphuma emlonyeni wami.+
Angeke libuyele kimi lingakabi nemphumela,+Kodvwa nakanjani liyawukwenta nome ngabe yini lengijabulisako,*+Futsi nakanjani liyawuphumelela kuloko lengilitfumele kona.
12 Ngobe niyawuphuma ngenjabulo,+Futsi niyawubuyiselwa emuva ngekuthula.+
Tintsaba nemagcuma tiyawujabula kakhulu, timemete ngenjabulo embikwenu+Futsi tonkhe tihlahla tesiganga tiyawushaya tandla.+
13 Esikhundleni setihlahla temanyeva, kuyawumila tihlahla temjunipha,+Esikhundleni sesihlahla lesinemanyeva kuyawumila sihlahla samabovana.
Loku kuyawubangela kutsi Jehova atiwe* yonkhe indzawo,+Futsi kuyawuba luphawu lwaphakadze lolungeke luphele.”
Imibhalo lengentansi
^ Nobe “imali leniyisebentele kamatima.”
^ Nobe “Umphefumulo wenu utawujabula.”
^ NgesiHebheru kutsi, “lokunonile.”
^ Nobe “umphefumulo wenu utewuchubeka.”
^ Nobe “leyintsandvo yami.”
^ Nobe “kutamakhela ligama.”
