Tihlabelelo 11:1-7
Sicondziso lesiya kumcondzisi. Ingoma yaDavide.
11 Ngikhosele kuJehova.+
Manje ningasho njani kimi nitsi:
“Balekela entsabeni njengenyoni!
2 Buka indlela lababi labagobe ngayo butjoki;Balungiselela kudubula imicibisholo yabo,Kute badubule basebumnyameni, badubule labanetinhlitiyo leticotfo.
3 Nangabe tisekelo* tibhidlitiwe,Yini-ke lolungile langayenta?”
4 Jehova usethempelini lakhe lelingcwele.+
Sihlalo sebukhosi saJehova sisemazulwini.+
Emehlo akhe ayabona, emehlo akhe lanakisisako* ahlolisisa emadvodzana ebantfu.+
5 Jehova uhlolisisa lolungile nalomubi;+Uyamenyanya umuntfu lotsandza budlova.+
6 Lababi utababekela tingibe;*Abehlisele umlilo nesibabule+ futsi abajezise ngemoya loshisako.
7 Ngobe Jehova ulungile;+ utsandza tento letilungile.+
Labacotfo batawutfola umusa wakhe.*+
Imibhalo lengentansi
^ Nobe “tisekelo tekulunga.”
^ Nobe “lakhanyako.”
^ Kungaphindze kubekwe ngekutsi, “emalahle lavutsako.”
^ Nobe “batawubona buso bakhe.”
