Bantfu labanyenti babona shengatsi kuphela kwelubandlululo ngenca yelibala lesikhumba kumane nje kuliphupho.

•   “Kuto tonkhe tincenye temhlaba lubandlululo luyachubeka lubanga umonakalo lomkhulu etinhlanganweni, emmangweni kanye nasekuphileni kwebantfu labavamile. Luyachubeka lwenta bantfu bangaphatsani kahle.”—António Guterres, lowengamele inhlangano yaMhlabuhlangene.

 Lutawuphela yini lolubandlululo? Litsini liBhayibheli?

 LiBhayibheli lisifundzisa indlela Nkulunkulu labatsatsa ngayo bantfu labanelibala lesikhumba lesingafani.

•   “Tive tonkhe watenta ngemuntfu munye kuze tihlale emhlabeni wonkhe.”—Imisebenti 17:26.

•   “Nkulunkulu akakhetsi, kodvwa wonkhe umuntfu lomesabako nalowenta lokulungile uyemukeleka kuye ngisho nobe asive sini.”—Imisebenti 10:34, 35.

 LiBhayibheli liveta kutsi bonkhe bantfu bahlobene futsi Nkulunkulu ubemukela bonkhe.

 Lubandlululo lutawucedvwa nguMbuso waNkulunkulu longuhulumende losezulwini. LoMbuso utawufundzisa bantfu indlela lekahle yekuphatsa labanye. Bantfu batawufundza kuncoba imiva yelubandlululo lokungenteka banayo.

•   “Bantfu labaseveni [batawufundza] ngekulunga”—Isaya 26:9.

•   “Umphumela wekulunga sibili utawuba kuthula, nesitselo sekulunga sibili sitawuba kuthula lokungapheli kanye nekuphepha.”—Isaya 32:17.

 Tigidzi tebantfu lamuhla tifundza indlela yekuphatsana ngenhlonipho.

•   Kuze utfole lokunyenti, fundza i-Phaphama! lenesihloko lesitsi “Likhona Yini Ikhambi Lobandlululo?,” letfolakala ngesiZulu.

•   Kuze utfole indlela batali labangacoca ngayo nebantfwana babo ngalendzaba, fundza sihloko lesitsi “Talking to Children About Racism,” lesitfolakala ngesiNgisi.