LiBhayibheli licala ngekusitjela ngekudalwa kwetintfo, lisikhombisa tonkhe tintfo Jehova latentile ezulwini kanye nasemhlabeni. Sita umfundzi abone lobuhle lobumangalisako endalweni. Mkhombise indlela Nkulunkulu ladala ngayo bantfu wabenta behluka kakhulu etilwaneni, njengekubanika likhono lekukhuluma, lekucabanga, lekwenta tintfo, lekuhlabela kanye nelekuthantaza. Yenta lofundza naye akulangatelele kufundza kabanti ngemandla aJehova kanye nekuhlakanipha kwakhe, ikakhulukati ngelutsandvo lanalo ngayo yonkhe indalo​—lokufaka ekhatsi natsi.