Dipesaleme 146:1-10
146 Rorisang Jah!*+E se eka nka rorisa Jehova ka pelo yohle ya ka.+
2 Ke tla rorisa Jehova bophelo bohle ba ka.
Ke tla binela Modimo wa ka dithoriso ha feela ke ntse ke phela.
3 Le se ke la tshepa dikgosana*Kapa motho hobane a ke ke a le pholosa.+
4 Ha a kgaotsa ho hema, o kgutlela leroleng.+
Ho tloha ka nako eo, o kgaotsa ho nahana.+
5 Ho thaba motho ya thuswang ke Modimo wa Jakobo,+Ya tshepileng Jehova Modimo wa hae,+
6 Ya entseng lehodimo le lefatshe,Lewatle le dintho tsohle tse ho lona.+
Ke Modimo ya dulang a tshepahala,+
7 Ya thusang ba utsweditsweng hore ba ahlolelwe ka tokaLe ya fepang ba lapileng.+
Jehova o lokolla batshwaruwa.*+
8 Jehova o bula mahlo a ba foufetseng.+
Jehova o phahamisa ba imetsweng.+
Jehova o rata ba lokileng.
9 Jehova o sireletsa baditjhaba.
O hlokomela dikgutsana* le bahlolohadi+Empa o senya merero ya ba kgopo.+
10 Wena Sione, Jehova Modimo wa hao e tla dula e le Morena+Melokong yohle e tla latela.
Rorisang Jah!*
Dintlha tse qetellong ya sehloho
^ Kapa: “Halelujah!” “Jah” ke kgutsufatso ya lebitso Jehova.
^ Kapa: “bahlomphehi.”
^ Ka Seheberu: “ba tlamilweng.”
^ Kapa: “ngwana ya se nang ntate.”
^ Kapa: “Halelujah!” “Jah” ke kgutsufatso ya lebitso Jehova.
