Diproverbia 27:1-27
27 O se ke wa ithorisa ka tsa letsatsi le hlahlamangHobane tsa le hlahlamang ha di tsejwe.*+
2 Roriswa ke motho e mong,* eseng wena o ithorise,*Batho ba bang ba o rorise,* eseng wena.*+
3 Lejwe le lehlabathe di boimaEmpa mathata a bakwang ke lewatla a boima ho di feta.+
4 Bohale bo senya jwalo ka morwallo, kgalefo e sehlohoEmpa ke mang ya ka mamellang poulelo?+
5 Ho molemo ho kgalemela motho ho feta ho mo rata ka lekunutu.+
6 Motswalle ya tshepahalang o fana ka keletso le ha e se monate+Empa mosa wa sera* o mongata.*
7 Motho ya kgotsheng ha a batle ho ja* mahe a dinotshiEmpa ho motho ya lapileng esita le ntho e babang e monate.
8 Motho ya balehang ha hae,O tshwana le nonyana e balehang sehlaheng sa yona.
9 Oli le dibano di thabisa peloJwalo ka motswalle ya o kgalemelang a se na boikaketsi.+
10 O se ke wa furalla motswalle wa hao kapa motswalle wa ntate wa hao.
Hape ha o hlahelwa ke koduwa, o se ke wa ya ha ngwaneno.
Moahisani ya haufi o molemo ho feta ngwaneno ya hole.+
11 Mora wa ka, hlalefa mme o thabise pelo ya ka+E le hore nka araba ya nthohakang.*+
12 Ya bohlale o bona kotsi ebe o a ipata+Empa ba se nang kelello* ha ba ipate ebe ba fumana ditholwana tse bosula.*
13 Nka seaparo sa motho haeba a itlamme hore o tla patala sekoloto sa motho e mong.
Haeba a itlamme hore o tla patala sekoloto sa mosadi ya boitshwaro bo bobe,* o behe thepa ya hae paneng.+
14 Ha motho a hlohonolofatsa wa habo ka lentswe le phahameng hoseng haholo,Wa habo o tla ho nka e le bomadimabe.
15 Mosadi ya ratang dikgang* o tshwana le marulelo a dulang a nela ha pula e na.+
16 Mang kapa mang ya ka kgonang ho laola mosadi ya jwalo a ka laola moya,A ka ba a fupara oli ka letsoho la hae le letona.
17 Tshepe e leotswa ka tshepe.
Ka ho tshwanang motho o leotsa motswalle wa hae.*+
18 Ya hlokomelang sefate sa feie* o tla ja ditholwana tsa sona,+Le ya hlokomelang monga hae o tla hlomphuwa.+
19 Jwalo ka ha motho a bona sefahleho sa hae ka metsing,Ka ho tshwanang, pelo ya motho e mong ke seipone sa hae.
20 Lebitla le sekoti sa timetso* ha di kgotsofale,+Le mahlo a motho ha a kgotsofale.
21 Jwalo ka ha silevera le kgauta di hlwekiswa ka ho qhibidihiswa mollong,+Thoriso eo motho a e fuwang e a mo senola.
22 Esita le haeba o ka sila lewatla ka tshilwana*Jwalo ka ha o sila koro,*Le ke ke la fetoha.
23 O tshwanela ho tseba hantle hore na mohlape wa hao o shebahala jwang.
Hlokomela mohlape wa hao.+
24 Maruo a ke ke a dula a le teng,+Le korone ha e* fetisetsanwe ka leloko ho ya ho ile.
25 Jwang bo botala bo a nyamela mme ho hlaha bo botjha,Dimela tsa dithaba di a bokellwa.
26 O tla iketsetsa diaparo ka boya ba diramo tse nyenyaneMme o reke tshimo ka diphooko.
27 Ho tla ba le lebese la dipodi le lekaneng bakeng sa hao,Bakeng sa ho fepa lelapa la hao le basebetsi ba hao.
Dintlha tse qetellong ya sehloho
^ Ka Seheberu: “ha le tsebe hore na le hlahlamang le tla tswala eng.”
^ Ka Seheberu: “osele.”
^ Kapa: “eseng molomo wa hao.”
^ Ka Seheberu: “Moditjhaba.”
^ Kapa: “molomo wa hao.”
^ Kapa mohlomong: “ke wa boikaketsi; o qobeletswe.”
^ Kapa: “mosa wa sera ha se o suna.”
^ Ka Seheberu: “o hatakela.”
^ Kapa: “ya kgahlanong le nna.”
^ Kapa: “ba fumana kotlo.”
^ Kapa: “boiphihlelo.”
^ Kapa: “wa moditjhaba.”
^ Kapa: “dikomang.”
^ Ka Seheberu: “sefahleho sa motswalle wa hae.”
^ Kapa: “feiga.”
^ Kapa: “Abadone.”
^ Ke lejwe le silang.
^ Ka Seheberu: “dijothollo.”
^ Kapa: “maemo a phahameng ha a.”
