Esaia 13:1-22
13 Ena ke kahlolo e tobisitsweng ho Babilona+ eo Esaia+ mora wa Amoze a e boneng ponong:
2 “Phahamisang letshwao*+ hodima mafika.
Ba bitseng, fokang matsohoHore ba kene menyako ya bahlomphehi.
3 Ke laetse bao ke ba kgethileng.*+
Ke bitsitse masole a ka hore ke ntshe bohale ba ka ka ona,Masole a ka a thabileng, a motlotlo.
4 Utlwang! Ho na le letshwele dithabeng,Ho utlwahala lerata la batho ba bangata.
Utlwang! Ho na le moferefere wa mebusoLe wa ditjhaba tse bokaneng.+
Jehova wa mabotho o kgobokanya lebotho bakeng sa ntwa.+
5 Jehova o tla le dibetsa tsa bohale ba haeHo tswa naheng e hole,+Pheletsong ya mahodimo,Ho tla timetsa lefatshe lohle.+
6 Bokollang ka ha letsatsi la Jehova le haufi.
Le tla tla jwalo ka timetso e hlahang ho Ya Matla Ohle.+
7 Ke ka lebaka leo matsoho ohle a tla tepellaMme motho e mong le e mong a tshohe.*+
8 Batho ba tshohile.+
Ba tsitsipane ebile ba a opelwaJwalo ka mosadi ya bohlokong ba pelehi.
Ba shebana ba tshohile.
Difahleho tsa bona di hloname.
9 Letsatsi la Jehova le a tla,Le tla ka sehloho, ka kgalefo le ka bohale bo tukangE le ho etsa hore naha e be ntho e tshosang+Le ho fedisa baetsadibe ba naha eo.
10 Dinaledi tsa mahodimo le dihlopha tsa tsona*+Di ke ke tsa kganya.
Letsatsi le tla fifala ha le hlaha,Le kgwedi e ke ke ya kgantsha lesedi la yona.
11 Ke tla etsa hore lefatshe le arabelle bobe ba lona+Le ba kgopo ba arabelle sebe sa bona.
Ke tla fedisa boikakaso ba ba iketelletsang pele,Ke kokobetse boikgohomoso ba bahatelli.+
12 Ke tla etsa hore motho a sokolehe ho feta kgauta e hlwekisitsweng,+Le batho ba sokolehe ho feta kgauta ya Ofire.+
13 Ke ka lebaka leo ke tla etsa hore lehodimo le thothomeleMme lefatshe le tla reketla le tlohe madulong a lona+Ka lebaka la kgalefo ya Jehova wa mabotho letsatsing la bohale ba hae bo tukang.
14 Jwalo ka tshephe e tsongwang le jwalo ka mohlape oo ho se nang motho ya o bokellang,E mong le e mong o tla kgutlela setjhabeng sa habo.
E mong le e mong o tla balehela naheng ya habo.+
15 Mang kapa mang ya fumanwang o tla hlajwa,Mang kapa mang ya tshwarwang o tla bolawa ka sabole.+
16 Bana ba bona ba tla robokellwa ka pela mahlo a bona.+
Thepa e ka matlung a bona e tla nkwa ka mahahapaLe basadi ba bona ba tla betwa.
17 Ke ba tlisetsa Bamede,+Ba sa tsotelleng bohlokwa ba sileveraLe ba sa kgahlweng ke kgauta.
18 Diqha tsa bona di tla robakanya bahlankana.+
Ba ke ke ba hauhela banaKapa ba ba utlwela bohloko.
19 Babilona, e ntle ka ho fetisisa hara mebuso,*+Ke botle le kganya ya Bakalde.*+
E tla tshwana le Sodoma le Gomora ha Modimo a ne a di fedisa.+
20 E ke ke ya hlola e eba le baahiEbile ha ho na moloko o sa tla dula moo.+
Moarabia a ke ke a hloma tente ya hae mooLe badisa ba ke ke ba bothisa mehlape ya bona moo.
21 Diphoofolo tsa lehwatata di tla robala teng.
Matlo a tla tlala diphooko.
Dimpshe di tla dula teng,+Dipodi tse hlaha* di tlolatlole teng.
22 Diphoofolo di tla lla* di le ditoreng tsa yona,Diphokojwe di hlabe moolo di le matlong a yona a borena a matle.
Nako ya yona e haufi mme matsatsi a yona a ke ke a eketswa.”+
Dintlha tse qetellong ya sehloho
^ Kapa: “palo.”
^ Ka Seheberu: “ba halaleditsweng ba ka.”
^ Ka Seheberu: “Pelo ya motho e mong le e mong e tla qhibidiha ke letswalo.”
^ Ka Seheberu: “tsa dinaledi tsa Kesile.” Mohlomong mona ho buuwa ka sehlopha sa dinaledi se bitswang Makolobe le tse ding tse se potapotileng.
^ Ke batho ba neng ba dula Babilonia.
^ Kapa: “mokgabiso wa mebuso.”
^ Kapa mohlomong: “bademona ba nang le sebopeho sa podi.”
^ Mona ho buuwa ka ha di hlaba moolo.
